.
Subscribe to my channel Youtube.com/user/DaLiaMuzic
TAMA LIU MAI BAINAKA SIRA, BEM VINDO E OBRIGADA PELA VISITA!

sábado, 21 de março de 2015

Mauk Moruk Luta ba Timor, Sim!, MAIBE...

Mauk Moruk/Foto www.jndiario.com
Ex Presidente da Republica Democratica de Timor Leste, Dr. Jose Ramos Horta kontra argumento katak Mauk Moruk mos luta iha rai-liur iha Frente Diplomatika nian ne’e laos veridiku.

"Hau mos hakfodak kuandu mauk moruk too iha Timor hatete nia mos halo aktividade makas hodi luta iha liur ba libertasaun nee lalos" (STL, 19 Marsu 2015)

Ho baze notisia nebe mak media Timor Leste haklaken konaba issue Mauk Moruk, hau nia hanoin maak nee deit. Hau nudar timor oan ida, hatene katak Timor nia luta naruk maibe mos exemplar, kontribui ho forma patriotika iha frente Armada, Klandestina no Diplomasia. Iha planu Diplomasia nian ita konsege envolve komunidade internasional ba causa “libertasaun” lori to’o termu Ukun Rasik An iha tinan 2002. Iha ne’e, direta ka indiretamente mau-buibere oan sira hotu kontribui, exepto sira nebe mak defende autonomia.

Mauk Moruk nia hstoria;
  1. Mauk Moruk nia luta ba libertasaun ho farda FALINTIL, conhecido ho Brigada Vermelha.
  2. Mauk Moruk rende ba Indonesia (no luta a favor ba autonomia). Iha tinan 1985, 30 de Janeiro, Mauk Moruk hakerek karta ba FALINTIL husu para rende ba regime Indonesia (fonte Tempo Semanal), ho argumentu katak “Funu kontra Indonesia ne’e Saugate de’it”.
Iha tinan 1995 fulan Dezembro hau rasik ho grupo Tata Mai Lau hamutuk ho RENETIL (organiza husi grupo 29 nebe husu asilo politiku iha embaixada USA iha Jakarta) halao aktividade barak iha Holanda hodi divulga Timor Leste nia Luta, liu husi conferencia de imprensa, reunioes, exposicoes, actividades culturais nomos manifestacoes.

Sei lembra manifestasaun ida iha Tribunal Internasional Haia nebe jovens sira husi RENETIL kesi aan ho corrente iha grades Tribunal nia oin hodi protesta no exije julgamento ba regime Soeharto no nia militares sira nebe halo crime Direitos Humanos iha ita nia Rain.

Iha tempo neba ami hasoru obstaculo barak, laos deit husi autoridade holandesa sira maibe hasoru mos tentativa husi “intel” regime Indonesia nian no liliu ita nia maun boot Mauk Moruk nebe ho intensaun hakarak trava ka hapara Resistensia nia aktividade iha rai Holanda.

Historia recente. Hafoin ukun-an, Mauk Moruk fila fali ba Timor Leste ho protesto kontra Estado. Kazu ikus liu mak akontesimentu Baguia, nebe fanun ita hotu husi “mehi furak”. Povu hakfodak ho laran taridu e ita nia Estado “alerta” ho komitementu atu defende estabilidade no soberania nasional. De facto, povo hakarak moris hakmatek no rai Timor Leste persija desenvolvimentu.

Eis a questao? Oinsa ita bele lao ba oin se "violensia" sei mosu nafatin iha ita nia le’et? Independentemente ho motivo protesto husi Mauk Moruk nian “politika ka privadu”, violencia laos dalan no solusaun ba problema.

Ita nia konstituisaun garante sidadaun nia direitu no liberdade atu koalia, loke grupu, halo aktividade, nsst., desde que la komete CRIME. Ba kazu ida ne’e, Mauk Moruk nudar cidadao comum halo sala, hasoru povu no kontra Estado, tan ne’e tenki hatan ba Justisa. 

"Luta ho Matenek, laos Luta ho beik" – cita Xanana Gusmao. Mauk Moruk luta ba Timor, Sim!, MAIBE ...

Dalia Kiakilir Agostinho
Oxford, 21 Marsu 2015

3 comentários:

  1. lalika husu beibeik ba mauk maruk maibe oinsa ita hamutuk atu kombate grupu ida ne'e ho dame laos ho ran keta prekupa tan mauk maruk, laos tan nia povu ida kuandu hamutuk dezemvolvementu ba futuru sei lao , ita hamutuk bele

    ResponderEliminar
  2. Jakarta, Aktual.com — Foreign Minister of Democratic Republic of East Timor, Agio Perreira said that the political situation in their republic now is very stable and normal after the death of separatist leader, Mauk Maruk.

    “Conditions (politics) is very normal at all,” Agio tell Aktual, on Monday (8/10).

    Political Situation in East Timor Back to Normal After The Death of Mauk Maruk

    ResponderEliminar
  3. Kiakilir: Mauk Moruk Luta Ba Timor, Sim!, Maibe... >>>>> Download Now

    >>>>> Download Full

    Kiakilir: Mauk Moruk Luta Ba Timor, Sim!, Maibe... >>>>> Download LINK

    >>>>> Download Now

    Kiakilir: Mauk Moruk Luta Ba Timor, Sim!, Maibe... >>>>> Download Full

    >>>>> Download LINK

    ResponderEliminar

Publicação em destaque

"ÉS VIVA"

"És viva" A todas as mulheres Estás triste, Estás só Porque ninguém te fala Porque ninguém te liga Ninguém quer saber d...