"Valoriza & Habelar Espirito 20 de Maio de 2002"

KADALAK hakarak tebes agradece ba Orador sira hotu nia presença na intervenção iha Seminário Nacional intitulada “VALORIZA & HABELAR ESPÍRITO 20 DE MAIO DE 2002” no âmbito hodi selebra tinan 16 Restauração da Independência da República Democrática de Timor-Leste.

1. Sua Excelência o Sr. Secretário de Estado da Juventude do Trabalho Dr. Nívio Magalhães “Papel SEJT para o Desenvolvimento Juventude agora e no Futuro”


2. Sua Excelência Sr. Virgílio, da Silva Guterres Presidente Concelho da Imprensa Timor-Leste “Papel do conselho da imprensa à Desenvolvimento sociedade Democrático”


3. Sua Excelência o Eng.º. Rui Castro Vice-Presidente CCI-TL “As Competências adquiridas pelos graduados do ensino Superior correspondem às necessidades do Mercado de Trabalho”


4. Rev.mºPe.Martinho Gusmão “Papel Ideologia de Nicolau Lobato antes de proclamação e depois de Restauração da Independência Timor Leste”


5. Sua Excelência o Sr. Adino Nunes Cabral Adjunto Diretor Nacional Policia Cientifica de Investigação Criminal em Timor-Leste “Papel PSIC no combate Crime em Timor-Leste”


6. Rev.mº Padre Ângelo Salsinha “Juventude Académico Timorense: Passado, Presente e no Futuro”

Iha Parte Seluk, ba ema hotu-hotu ne´ebé Ami labele temi ida-idak, obrigado ba imi nia kontribuisaun oitoan ka barak ba sucesso Seminário Nacional. Ba Komisaun Organizadora Seminário Nacional ho Estrutura Tomak, ba Xefi Kadalak ho nia estrutura Tomak “WE MADE IT”. Obrigadu & PARABÉNS ba hotu hotu!

Kopypage husi
Natalino De Jesus Dias

Lakon iha Reino Unido, Manan iha Timor

Politika ne’e escolha ida, no hau vota!

Ami nain tolu, Dalia, Ivonia ho Nandinho, fiskais AMP nian husi Oxford ba Peterborough hasoru fiscais nain 8 husi partido vizinho FRETILIN, hetan autorizasaun hodi “tau-matan” ba prosedimentu eleitoral no identifika eventuais irregularidades sira iha fatin votasaun nian.

Prosesu votasaun la’o di’ak, transparente, tranquilo no laiha problema, nunemos ho sura votus la’o ho rigor, tuir avaliasaun team fiskais sira.

"Numero 8, AMP", dehan ho lian-as husi contador bueltim votu. Kontinua!

Tempu istika isin, kolen, maske nune, ami hotu augenta to'o contagem ramata. Faze ikuz nebe hothotu hein atu konfirma vitoria.  Selebrasaun mos akontese ho ida-idak ninia jeitu iha instante momento. Hau, nudar musician ida, koko tau-an iha ambiente politiku nian, basaa, hau foin “pela primeira vez” partisipa iha “festa demokrasia” ida ne’e ho naran Eleisaun Antisipada, e, nudar sidadaun eleitor ida nebe mos halo parte iha ekipa fiskais AMP Reino Unido nian.

Claro, hau mos lakohi lakon jeitu no husik liu deit oportunidade murak ne'e hodi anima-an ho momentum maske sikat hela iha “mean” sira balun nia le’et. Hau tenki konfesa katak “de certa forma” infeliz ho rezultadu AMP nia iha Reino Unido, maibe iha tempu hanesan ksolok wa’in tebes ho rezultadu nasional AMP nian iha Timor-Leste. 

"Yes, AMP manan tiha ona!". Hau nia "exaltação patriótica!"

"Quick count" iha rai-laran nia "links" hasanak ba-mai ho-lais to'o rai-liur, halo ema hotu "tuba" metin iha rede sosial "mais solicitados" FaceBook. Notisia diak ba balun no ladi'ak ba seluk. 

"Viqueque mutlak blokir tiha ona sira", dehan vizinho ida ba nia camarada sira. Iha lidun sorin, moderado sira husi AMP dadalia hela konaba camarada "Timor Maubere" nia "traidores" no "lider queimado" sira. Sira blokir malu rame!

Hau hanoin katak camarada sira maske lakon iha nasional Timor-Leste, sira laiha razaun atu triste tamba “de facto” partido ho naran historico FRETILIN ne’e manan iha diaspora Reino Unido. Indikasaun di’ak ba futuro.

Hanesan dehan maluk fiscais no coordenador FRETILIN Oxford nian, camarada Moises, iha nia intervensaun katak “vitoria ita hotu nian”, no “importante liu mak “votasaun no sura votus la’o  ho susesu, transparente no hakmatek tebes”.

Moises mos aproveita tempo concedido hodi hato’o parabens ba AMP no obrigado ba uma-nain Peterborough nia servisu diak hodi organiza eventu ne'e susesu to'o hotu.

Iha ne’e, hau mos nahouk ho camarada Moises dehan konaba “triunfo iha tempu vota no sura”. Eleitor sira hotu “passifico” exerce sira nia kna’ar direito votu. Laiha “margem de manobra”, mos la reindivika rezultadu 305 x 441.

Politika mak nune’e ona, escolha o nian, no votu hau nian!

Dalia Kiakilir

Peterborough, 12 Maiu 2018

Ohin Hau Fo Votu ba O, Aban O Fo Hau Nia Direitu

Dalia Kiakilir

Kumpri Hau Nia Direitu Demokratiku

Eleisaun Antesipada, 12 Maiu 2018
.

Sidadania hatudu iha ita nia partisipasaun iha vida politika. Exerse simplesmente ita nia direitu no dever nudar sidadaun nebe diak no ativa.

Termu "politika" no "sidadania" la sakat malu hare husi konseitu etimolojiku. Nia esplika katak termu rua ne’e synonymum. Liafuan “politika” mai husi grego “polis”, nebe signifika sidade, no konaba “sidadania” orijinal dalen latim nian “civitas” signifika sidade mos.

Iha tempu uluk politika sempre da’et metin ho sosiedade. Baibain ema halibur malu ko’alia politika no haksesuk assuntu sira konaba ema no moris lorloron nian. Sidadaun sira iha kondisaun atu fo hanoin ka opiniaun relasiona ho rotina iha sosiedade. Gregos sira halo politika sai sentru ba ema nia moris concentrada iha sidade "polis", nebe considera nudar fatin ba aktividade politika, ekonomika, relijioza no sosial. Sira hamutuk nudar sidadaun ida hodi organiza vida iha lubun sosiedade ida. 

Ohin, 12 Maiu 2018, Timor-Leste bolu ita halibur hodi kumpri DEVER SIVIKU no DEMOKRATIKU. Ita iha direitu sira iha vida sivil, sosial no politika, e nunemos ita nia dever atu kumpri “sasan” sira nebe “berlaku” iha estadu no sosiedade ida.

Husu “Litik” hau nia direitu sim, maibe “lo'ok” fo mos hau nia dever sira. Nune’e, hau ida, sidadaun ida ba Timor ida bele funsiona.

Ohin hau fo votu, dever ida, aban O fo hau nia direitu!

Dalia Kiakilir

Oxford, UK

Povo Nia Lian - Maromak Nia Lian

Dungannon 11-05-18: Ema hotu la hein katak Eleisaun Parlamentar Antecipadas atu mosu iha 2018. Ita la hein katak Eleisaun Parlamentar Julho 2017 lori tan krize politika dala ida tan mai Timor Leste. Krize ne'e hatudu mo-mos katak, ita iha krize de LIDERANSA. Ita iha krize kona ba "marketing politic", ita mos la asertivu kona ba hili termu wainhira voto la determina se mak manan eleisaun: Inklusaun, Koligasaun ka Insidensia Parlamentar? Historia hanorin ona katak CNRT ukun tinan sanulu ho partidu barak la hetan krize tan ba uza termu: Koligasaun.

Iha eleisaun ida ne'e, Partidu Politiku/Koligasaun sira (PEP, PD, PR, PF, MSD, MDN, FDD) kumpre ona sira nia obrigasaun, lori programa politiku ba apresenta ba povo husi lidun ba lidun durante fulan ida nia laran. Balu halo komisio nebe halibur ema rihun, seluk halo dialogo no dor-to-dor campaign.

Ema barak bolu kampanha ne'e hanesan FESTA DEMOKRASIA, seluk bolu VIVENSIA DEMOKRATIKA, seluk tan uza biban ne'e atu halo VIOLENSIA FISIKA no VIOLENSIA VERBAL hasouru ema inosente sira (feto, mane, katuas, ferik no labarik) nebe expressa sira nia liberdade liu husi kor ruma. ida ne'e mak retratu foer, ita hasai husi kampanha eleitoral ida ne'e. 

Ohin, responsabilidade tomak entrega ba CNE/STAE, Polling Staff no Fiskais sira iha Timor Leste tomak no Diaspora atu hatudu ba mundu, liu husi observador internasional sira dala ida tan katak ita hamutuk bele organiza eleisaun ida livre, kredivel no transparente hanesan mos eleisaun rua iha tinan kotuk: Eleisaun Presidensial no Eleisaun Parlamentar 2017.  

Rona tiha partidu sira durante fulan ida, Timor Oan ida-idak sei hakat ba fatin votasaun iha 12 de Maio 2018 atu koalia liu husi votasaun, hili tuir ida-idak nia konsiensia Partidu nebe mak merese liu Timor oan ida-idak nia votu? Lider ida nebe mak iha kbi'it naton atu bele garante PAZ, ESTABILIDADE, MUDANSA NO PROGRESSU? Lider nebe bele tane a'as lei inan, defende riku-soin, liu-liu, tane a'as Timor Oan ida-idak nia DIGNIDADE. 

Iha Norte Irlanda, Eleisaun Parlamentar Antesipadas (EPA) ida ne'e importante ba Timor Oan sira nebe hela no servisu iha ne'e atu exerse sira nia direitu nudar cidadaun, nudar Timor Oan ba dala uluk. Eleisaun ida ne'e mos laos deit fanu Timor Oan sira atu preokupa ho Estabilidade Politika rai laran ka afirma-an iha kor partidaria ruma, maibe halo sira hanoin hikas fali fatin nebe sira moris ba; halo sira hanoin fali uma lisan, uma knua, uma lulik, hatais tais, Tetum, historia, ai-han no riku-soin tomak nebe sura la hotu... 

Timor Oan nain 1287 mak sei vita iha cidade Dungannon. Tuir lei eleitoral, fatin votasaun la autoriza seguransa partidaria...ema nebe laos membro ka funsionario CNE/STAE sei hamri'ik do'ok metru 100 ida husi centru votasaun...lia sakat ruma nebe CNE/STAE labele resolve ho lia fuan, sei entrega autoridade PSNI nebe disponivel ona atu hare  seguransa molok, durante  no depois  kontajen de votos. Polling Staff no Fiskais sira preparadu ona hodi ajuda eleitor sira ba tesi-lia ba ita nia futuro liu husi votasaun.  

Mai ita hotu hakilar ho aten barani ba politiku sira katak respeita resultadu Eleisaun Parlamentar Antesipadas ida ne'e basa: POVO NIA LIAN - MAROMAK NIA LIAN.     

Media AMP NI
https://ampnirlanda.blogspot.co.uk/2018/05/povo-nia-lian-maromak-nia-lian.html

at May 11, 2018