SEFOPE Forma Joven Sai Atan iha Estranjeiru?

Direktor NGO Luta HAMUTUK, Sr. Jose Alves da Costa nia statement naruk, nebe fo-sai iha Jornal STL ne'e ko'alia LA REFLEKTE REALIDADE TIMOROAN TOMAK nebe Servisu iha Rai-Liur.

SAI ATAN?

Pergunta ba Sr. Dirktor ma'ak ne'e:

1. BENEFISIU SAIDA ba trabalhador sira rasik?

2. Benefisiu ba iha rai-laran ma'ak saida wainhira servisu iha rai-liur? 

Se bele hatan to'ok ida ne'e Sr. Direktor?

Em que Propósito ita Bo'ot dehan ema mai serviso iha estrangeiro ne'e SAI ATAN? Hau sujere ba Sr. Direktor NGO LUTA HAMUTUK tenki halo TPC - Trabalho Para Casa. 

1. Buka hatene konaba dadus Receitas nebe tama ba cofre Estado nian tinan tinan resultado husi timoroan sira nebe serviso iha rai-liur.

2. Halo balansu konaba mudansa vida moris timoroan sira nian rasik iha estrangeiro. Razaun prinsipal timoroan sira sai buka servisu iha estrangeiro tamba atu buka hadi'ak vida moris nian, nebe la konsege hetan iha Timor-Leste.

3. Impaktu saida ba sira nia familia rasik, tanto iha Timor nomos iha rai-liur.

Sempre ho konsiderasaun, hau hein katak Sua exca. Director NGO Luta hamutuk, Sr. JOSE ALVES COSTA alias, ID FB Jose Asaloy ho kbi'it wain atu fo resposta ba pergunta ka lian litik sira iha leten ne'e. Tamba wainhira temi "SEPFOPE FORMA JOVEN SIRA SAI ATAN IHA ESTRANGEIRO NE" signifika ita generaliza. Se karik maun bo'ot iha liafuan ruma ami agradese, tamba sekarik koalia kazu espesífiku ida labele temi "JOVEN SIRA SAI ATAN IHA ESTRANGEIRO" muito menos SEPFOPE forma jovem sira sai atan iha ESTRANGEIRO. LIAFUAN ne'e rasik ma'ak sai kontroversia no ita barak ma'ak la simu. Se faz favor husu Sr. Direktor JOSE ALVES DA COSTA justifika. Obrigada

Dalia Kiakilir

Oxford, 12 Abril 2019
https://www.facebook.com/DaliaMusic/posts/10213165745770802

Tamba Sa dehan PR kauza Prinsipal ba Impasse Politiko?

Tamba sa mk ema barak ona mk hatudu descontentamento ba nai Presidente nia Pozisaun no dun ba PR kauza prinsipal IMPASSE POLITIKO?

Simples, balun dehan iha VII GOVERNO minoria laiha problema ( sera?) Nasaun lao hela (sera?). Empresa la taka no ema la lakon serviso. Los, Maibe sira haluha fulan hira deit mk VII GOV lao? Se la sala la to tan fulan 6 (maske ho duodesimos deit).

1- Sera osan duodesimos ne atu tahan Rai tomak ida to tinan 2 ka liu tinan 2?
2- Duodesimos ne arrasta atu liu ona tinan 1 besik tinan 2 ona,  oinsa duodesimos ne bele hatan necessidade rai nian, Bele halao Programa hodi Nasaun ne Labele Parado iha tempo?

HANOIN RASIK BA

VII GOV PR decide arrasta tamba intensaun favorece Gov minoria komposto husi F-PD. No lori to EA. (Kauza mk PR sei fuan bot ba Partido Fretilin no tamba sei Presidente Fretilin mos).

Hau sinti iha tempo neba mk PR evita EA tuir konstituisaun fo Oposisaun mk kaer Governo, ida ne problema laiha duni;

1- Osan la gasta saugati ba ELEISAUN ANTESIPADA,
2- Duodecimos mos la precisa usa ona.
3-PROGRAMA bele lao normal,
4-desenvolvimento bele lao
5- KRISE FINANSEIRA no EKONOMIKA SEI LA MOSU.

RESUMO, IMPASSE LAIHA, empresa ida LA TAKA,  EMA IDA MOS LA LAKON SERVISO.

Simples. Ema descontente laos tamba motivo pessoal ruma maibe tamba descontente deit ho forma no Pozisaun atu resolve konflitos sira ne.

Se lembra  karik, ita nia maun Bo'ot Xanana mk Nr 1 fo apoio tomak ba Dr. Lu-Olo nia kandidatura, ida ne signifika katak nia iha esperansa no fuan bot katak nia, nudar PR sei sai Aman ba Nasaun diak, foti decizaun acertada hodi tane ita nia rain, tau ketak Partido nia INTERESSE no tane aas POVU. 

Ho ida ne mos mk Povu maioria hili Nai Lu-Olo sai PRESIDENTE ba ita Nia Rain 🇹🇱

Maibe INFELIZMENTE nai ulun Dr. Francisco LuOlo nudar PR, la konsegue ou simplesmente laiha vontade RESOLVE PROBLEMA, fo SOLUSAUN SIMPLES hodi EVITA IMPASSE no AFECTA TIMOR OAN rihun ba rihun hanesan ita akompanha agora.

Se agora mosu MAIORIA DESCONTENTE ho PR nia lalaok tamba simplesmente razaun sira ne hotu. Nune duni... atu defende ladiak tamba POZISAUN PR ne DESNECESSARIO.

ITA KIIK MK SINTI LAOS SIRA, NUNE DUNI SIRA SEI DEFENDE TO HOTU SIRA NIA EMA NO SEI DEFENDE KATAK RAI NE DIAK HELA...

Hanoin Rasik Ba!

Bom dia 🙏

Dalia Kiakilir

Oxford, 5 Fevereiro 2019

Saida mak sala wainhira Xanana harii G7+

Saida mak sala wainhira Xanana harii G7+.

Domingos Saldanha

.

Soekarno hari Asia-Afrika SBY hari Forum Demokrasi Bali Soekarno hari Asia-Afrika iha momentu situasaun turbulensia atu hatete deit iha momentu neeba laiha estabilidade politika, maibe ohin Asia-Afrika berdiri koko. Hari Asia-Afrika laos atu hametin estabilidade politika iha rai laran, maibe oinsa galang forsa politika internasional neebe neutru iha biban funu laran entre Soviet ho Amerika. Nunee SBY hari Forum Demokrasi Bali, iha estabilidade politika maibe korupsaun aas iha SBY nia ukun. Nunee mos SBY hari BDF atu fahe esperiensia ba malu kona ba demokrasia, laos konvida nasaun seluk atu kombate korupsaun Xanana hari G7+ ho intensaun atu fahe dame no rekonsiliasaun ba nasaun seluk. Laos hari G7+ atu mai hakotu empasse politika iha ita nian nasaun.

Dader diak Timor Lorosae
www.facebook.com/domingos.saldanha

Kritika RDTL Ajuda Nasaun Seluk; Xanana: Laiha Umanismu, Lakon Identidade Kultura!

Foto http://timor-leste.gov.tl/wp-content/uploads/2015/10/IMG_5079.jpg

Pesoa Eminente g7+ Maun Bot Kay Rala Xanana konsidera sira ne’ebe Kritika Timor-Leste nia partisipasaun iha senariu mundial atu promove paz no estabilidade LAIHA sensibilidade UMANU no LAKON tiha ona identidade kultural Timoroan nian nudar ema Katoliku. Tuir Maun Bot Xanana katak iha kultura Timoroan nian sempre ajuda vijinu ne’ebe hetan susar maske ita nia uma laran rasik mos susar hela. Maibe kultura ida ne’e komesa mihis ona, ka mihis tiha ona!

A prática e o critério da verdade, liafuan husi Mao Tsé-Tung ne’ebe ita nia lideransa sira uza no aplika durante rezistensia maka oras ne’e Maun Bot Xanana kontinua kaer metin hodi halo tuir. Konstituisaun RDTL Artigu 8 alinea 2, Artigu 9 alinea 2, no Artigu 10 alinea 1, fo IMPORTANSIA mos ba RDTL nia partisipasaun iha senariu mundial, liu-liu atu hakotu konflitu, hatun kilat, no promove pas no estabilidade. KRDTL nia valor as liu bainhira Estadu TAU iha pratika valores sira ne’e! Tanba ne’e maka tuir loloos Timoroan hotu orgullu ho RDTL nia partisipasaun iha senariu mundial ba paz no estabilidade husi asaun sira ne’ebe RDTL halo liuhosi lidera g7+!

Involvimentu RDTL nian iha g7+ hatudu katak maske Timor-Leste kiik no kiak maibe LA-MUKIT ba asaun paz mundial nian, liuhosi g7+ RDTL hatudu ba mundu katak Timoroan sira laos deit hatene simu apoiu maibe mos hatene kontribui hodi tulun povu rai seluk atu hetan hakmatek iha sira nia rain. Povu Timor-Leste konsidera importansia husi nasaun sira iha mundu rai klaran atu tulun malu, apenas grupu kiikoan ida ka individu ida ka rua maka kontra makas tanba sira hanoin sira maka grupu intelektual ne’ebe hatene buat hotu-hotu. Maibe realidade hatudu katak ema sira ne’e kiak iha hanoin no lakon tiha ona sentidu umanizmu, sira apenas copy paste deit ema seluk nian fraze ruma atu reboka an nudar ema intelektual.

Realidade loloos maka ema sira ne’e labele hamosu rasik hanoin ruma ka sira tama kategoria intelektual GAUL (gaba an ulun laiha) tanba “lincah” iha copy paste matenek nain loloos nia fraze hodi halo sai KOSMETIK ba sira nia oin atu nune’e fo impresaun ba publiku katak sira mos matenek hotu. Maun Bot Kay Rala Xanana maske laos professor ka doutor, ka dosente, maibe ninia hanoin luan liu kona-ba oinsa atu “blend” ka “mistura” Timor-Leste ba iha mundu tanba Timor-Leste laos nasaun ida iha planeta ketak ida hanesan intelektual GAUL sira ne’ebe sira nia vizaun to’o deit iha sira nia sapatu tutun!

Viva Timor-Leste! Viva AMP! Viva CNRT! Viva Maun Bot Kay Rala Xanana!

Fonte CNRTMC 

TUIR NO SANI ARTIGOS RELACIONADAS

---

1. Konaba g7+: maka’as iha teoria, namlele iha praxis. Anotação pós debate TVe
Martinho G. da Silva Gusmão
Docente Filosofia Politica

---

2. g7+ nia Advokasia iha Nivel Global, Resposta ba Senhor Martinho Gusmão nia artigu kona ba g7+: Maka'as iha teoria, namlele iha praxis
Helder Da Costa, PhD
Sekretariu Jeral, g7+
(Eis-Akadémiku)

---

3. Dala ida tan konaba g7+: "A prática é o critério da verdade" 
Martinho G. da Silva Gusmão
Docente Filosofia Politica

---

4. Kritika RDTL Ajuda Nasaun Seluk; Xanana: Laiha Umanismu, Lakon Identidade Kultura!
CNRT Media Center
https://www.facebook.com/CNRTMediaCenter/videos/347795572705621/

---

5. Teknokrata Servisu Fo Tulun Internasional: Hatan ba Maun Helder da Costa g7+
Ato "Lekinawa" Costa, Ativizta RENETIL
https://tafara.tl/teknokrata-servisu-fo-tulun-internasional-hatan-ba-maun-helder-da-costa-g7/

---

5. Saida mak sala wainhira Xanana harii G7+
Domingos Saldanha‎ / STL MEDIA GROUP
.......

---