Lian Nia Nonok

Nai Primeiru Ministru Taur Matan Ruak lo'ok hela be kopu ida ba Nai Prezidente Republika Francisco Guterres Lu-Olo. Imajen apanha iha serimonia selebrasaun aniversariu ba dala-44 Proklamasaun Independensia Timor-Leste, 28 Novembro 1975/2019.

IMAJEN LA KO'ALIA!

Nonok iha nia folin rasik,
La hakanek ema ida,
La ofende ema ruma,
Nonok mak domin no hadomi.

Nonok subar-an metin,
Falun nia sentimentu,
Ita la hatene saida mak nia senti,
Taridu ka ksolok, ka babain hela!

Nonok la kari rai-rahun,
Maibe kuda nia ideolojia,
Dalaruma namkore rasik,
No nakfilak ba "retorika".

Halo nonok O lian
Katak taka O nia fuan
O bele sujeitu ba krime
Maibe mos bele sai exemplo no solusaun

Nonok la signifika la hatene ko'lia,
Maibe atitude ida,
Komportamentu sosial,
Maibe mos virtude ida.

Nonok reflekta realidade ida,
Singular iha momentum,
Nia la ko'alia mesak,
No kolia lia-los!

Imajen ne'e la ko'alia duni,
Maibe iha buat ruma nia atu dehan,
Imi hatene...,
Tamba hau mos hatene...!

Dalia Kiakilir

Oxford, 02/12/2019