Kiakilir - Bispo Dom Carlos Filipe Ximenes Belo preokupa ho virus corona (Covid-19) no apelu ba timoroan hotu atu "Mantem a calma" no hametin nafatin fe ho reza tersu lor-loron.
"Favór ida husu ba maluk sira lalika pániku, ida di'ak hela iha uma, labele kontaktu ho ema infetadu sira, fase liman beibeik, kuandu me'ar taka ibun ka inus ho lensu. Tuur no hamriik dodook-malu." - Amu Belo apelu.
Dom Ximenes Belo hakarak timoroan sira hametin kbiit ho fe iha tempu difisil mak dadauk akontese iha mundu rai klaran.
"Tenki reza, ami iha ne'e, loro-loron halo adorasaun Santíssimu no reza tersu.", Amu husu ba sarani sira.
Eis Bispo Dili nian ne'e mos husu kolaborasaun timoroan sira atu ba rasik Uma-moras hodi halo teste wainhira iha sintomas ruma konaba moras refere.
"Sintomas hosi Coronavirus (Covid-19): isin-manas, me'ar forte no dada iis la di'ak. Se iha sintoma ne'e tenki ba konsulta.", Dom Carlos obriga ho liafuan "tenki".
Amu Belo nia mensagem sirkula iha "media sosial" no sai nudar fonte ba notisia husi media sira hodi hatutan tulun akalma paniku kauza husi "perigo de morte" coronavirus COVID-19.
DK-Dalia Kiakilir
22/03/2010
Olla boatarde,Nai lulik.... agradese Wain tebes Ba memasang furak nhe...Ho fiar iha maromak ....Maka ita hotu sei Salva husi Vivid:19
ResponderEliminar††††����������������������������