Patriotismo Constitucional (I) Jürgen Habermas dehan Verfassungspatriotismus *) KHUNTO mak “Susu ita rai bokur// ita isin bokur eei// Bere Mau Bere eei”

Patriotismo Constitucional (I) Jürgen Habermas dehan Verfassungspatriotismus

*) KHUNTO mak “Susu ita rai bokur// ita isin bokur eei// Bere Mau Bere eei”

Iha 18-19 de Maio de 2020, partido Fretilin, PLP no KHUNTO koko no ikus mai manan terreno iha processo “hadau” meja Parlamento Nacional. CNRT “defende” ho força tomak. Ikus mai hakiduk, hodi lori ba processo Tribunal. PD bidu tun bidu sae, no lakon ninia “identidade” nudar “democrático”. PUDD hamutuk ho UDT no FM hateke processo ne’e, “nonok”. Loraik ne’e kedas, Jornal da Republica hasai resultado husi processo “hadau” ne’e. Ne’e hatudu duni katak partido 3 ne’e prepara buat hotu ona atu manan, “a tudo custo”. Loron tuir mai, 20 de Maio de 2020, PR viabiliza kedas VIII Governo. La hanesan processo sira seluk nebe PR “estuda lai”, dala ida ne’e nia ulun mamar ona no kakutak mos naben los: decisão menos de 24 horas. Se ida ne’e mak nia halo iha Março karik, oras ne’e meja PN mos la rahun. 

Ba hau, 20 de Maio de 2020 hanesan loron “GOLPE DE ESTADO ANTE CONSTITUIÇÃO” (liafuan “ante” la hanesan ho “anti”) – katak, grupo maioria simples ida hadau poder; hotu tiha mak obriga constituição tuir sira nia hakarak. Interessante, katak iha 2002 Dr. Francisco Guterres Lu-Olo mak sai Presidente ba Assembleia Constituinte; atu labele lakon oportunidade liu husi eleição constitucional, Partido Fretilin muda lalais tiha AC ba PN nune’e hahu I Legislatura ... Alkatiri “automaticamente” sai PM kedas, nebe “vitoriosamente” haklaken ba mundo tomak atu ukun tinan 50 (tinan 4 de’it “gali daru” kedas). Ida ne’e mak hau hanaran “golpe de Estado ante constituição I”. Hau dehan golpe, tan Timor-Leste forma Parlamento Nacional no Governo I la liu husi eleições democráticas. Iha fali 2020, mosu tan “golpe de Estado ante constituição II”, Fretilin hamutuk ho PLP no KHUNTO hadau kadeira, hakat liu processo hotu. Iha ne’e, Dr. Lu-Olo “decreta” lalais kedas governo foun, “estuda” la to’o loron ida, resultado mos sai kedas. 

Hanesan Norberto Bobbio dehan, liafuan “golpe de estado” mai husi “coup d’État”. Filosofia politica hola nafatin definição iha Dicionário Larousse (dalen francês) – “... violation déliberée des formes constitucionelles par un government, une assemblée ou un groupe de personnes qui détiennent l’autorité” – violação ida nebe hakarak halo duni hasoru constituição husi governo ida, ka assembelia ida ka grupo hodi hadau autoridade. 

Oinsa mak ita hare momos katak Fretilin nia golpe I-II tuir CRDTL? Wainhira ita le ninia PREAMBULO (makloken) ho oculo filosofia politica, ita sei hetan murak mean ida PATRIOTISMO CONSTITUCIONAL (Verfassungspatriotismus), tuir Jürgen Habermas nia hanoin iha livro “Between Facts and Norms” (1998). Iha ne’e nia fo hanoin katak, “Estado de Direito Democrático” ida la’os la’o iha kalohan leten no tur iha fulan, maibe moris iha “nation ... identity” (identidade tuir moris fatin), nebe nakloken ba buat foun (globalizing) no la taka metin iha sira nia “traditional idea” (hanoin sira tuir lisan) nebe moris iha “ethnic belonging” sira (p. 466, 500). 

Habermas nia hanoin ne’e bele hakait ho saida mak Preâmbulo CRDTL dehan (1) “Plenamente conscientes da necessidade de se erigir uma CULTURA DEMOCRÁTICA e institucional própria de um Estado de Direito onde o respeito pela Constituição, pelas leis e pelas instituições DEMOCRATICAMENTE ELEITAS sejam a sua base inquestionável” – tuir versão tetum oficial hakerek nune’e, “Hatene moos kedas katak tenki hari kultura demokratika no institusional ne’ebé moris iha Estadu tuir-lei ida, ne’ebé hetan abut makaas iha respeitu ba Konstituisaun, ba lei no instituisaun sira-ne’ebé moris ho eleisaun demokratika. Conceito ida seluk (2) mak “... estabelecer as regras essenciais da DEMOCRACIA PLURALISTA, tendo em vista a construção de um país justo e próspero e o desenvolvimento de uma sociedade SOLIDÁRIA e FRATERNA” (3) – katak, hari’i-metin sasukat kdasar ba democracia pluralista, tau iha oin hari’i rai ida nebe justo no moris foun diak no desenvolvimento ba sociedade ida nebe solidaria no fraterna. 

Artigo ida ne’e hakarak hare oinsa mak “patriotismo” iha ita nia constituição nebe hatur iha (1) cultura democrática; (2) democracia pluralista; no (3) sociedade solidaria e fraterna. Husi pilar tolu ne’e mak ita hare “Espirit d’une nation” (Barron de Montesquieu) la’os deit ba Timor-Leste maibe mos hatudu “Mélanges inédits” (nakdaet moris ba fatin hotu); bele mos hanesan “geistlichen Hintergrund” (jiwa dasar hukum) tuir G.W.F. Hegel nia hanorin. 

(1) “... erigir uma CULTURA DEMOCRÁTICA”

Banati tuir Habermas nia hanoin, wainhira ita temi CULTURA DEMOCRÁTICA, ita ko’alia kona identidade Timor-Leste nebe hakesi ho lisan bein sira no suku ho dalen sira husi Lorosae ba Loromonu atu sai fatin furak ba Estado de Direito Democrático. 

Uluk nanain, saida mak “cultura” ne’e lerek molok hakawe ho “democracia”? Iha 1970, Abílio Araújo hahu nia artigo konaba “Barlaki”, Borja da Costa no Nicolau Lobato mos tama klaran hodi hamosu “guerra de barlaque”. Malae kolonial sira hare katak lisan Barlaki ne’e hatun dignidade feto nian; halo feto nia folin hanesan karau ho kuda, surik no belak. Foinsae na’in 3 “timor asli” ne’e hatudu momos no klean tebes konaba “os escaninhos mais recônditos e sagrado da alma” Povo Timor nian. Hare Abilio nia argumento, Nicolau Lobato halo resumo furak no murak tebes konaba CULTURA, nune’e ... “E quando me refiro à cultura de um povo, não quero significar realizações técnicas e materiais que, ... representam apenas manifestações exteriores de uma dada civilização. Não. Quando me refiro à cultura de um povo, resolvo todo um mundo de conceitos e valores internos, do espírito, tais como seu sentir, e pensar, a sua filosofia da vida, a sua elevação moral, a sua religião, a sua língua, o repertório das suas tradições, em suma, o peso da sua história e o vigor das suas vivências actuais encobertas em formas mais ou menos convencionais do dia-a-dia” – wainhira hau hatudu ba cultura povo ida nian, hau lakohi hare deit ba ninia lalaok técnica no material sira deit ... nebe hatudu deit sasan sira be kulit nian iha civilização ida. Lae. Wainhira temi cultura povo ida nian, hau hakait hotu ba conceito tomak hamutuk iha volores internos, espirto nian, hanesan fuan, kakutak, filosofia ba moris, tane aas ninia moral, ninia religião, ninia dalen, lalaok tomak lisan bein sira nian, habadak lia kari, ninia historia tomak no lalaok moris loro-loron nian husi loron ba loron. 

Segredo husi “cultura democrática” mak hatur iha FOHO RAMELAU – poema nebe Borja da Costa hakerek iha 1973, no Abílio Araújo halo ninia musica lori halo animação ba ASDT, no ikus mai sai mars FRETILIN nian. Tragedia boot tebes iha “cultura democrática”, wainhira mosu partido KHUNTO nebe ko’alia bebeik konaba JURAMENTO RAMELAU. Juramento ida ne’e sai hanesan meik no kroat ba Naimori Bukar atu halo “the shadow of the terreur” (bayang-bayang terror). Liu tan, Naimori Bukar aproveita “terrorismo” ida ne’e atu halo “exploração do homem pelo homem” ka “susu ita rai bokur// ita isin bokur// Bere Mau Bere eei”. 

Atu hahu (1), poema ne’e dehan: “Eh! Foho Ramelau, foho Ramelau eh!// Sa be aas liu o tutun// Sa be bein liu o lolon eh!” atu hatudu Mambae sira hare “grandeza” no “imponência”, beran no kbiit iha sira nia fuan laran. Ba sira Ramelau ne’e foho lulik. Iha nia “tutun”, klamar sira horik ba; iha nia “lolon”, ema Mambae sira hare dalan moris nebe “bein liu”. Borja da Costa hatudu ba ita konaba “Naturalistische und religiöse Weltansicht” (liafuan husi Rudolf Otto). Atu dehan, ita nia ema Mambae sira iha fiar “natural”, hare Foho Lulik ne’e sira hare dok liu tan, hateke moris murak no kmook liu tan. Sira la hatene “Aman Maromak” nia kbiit no beran. Maibe, hare Foho Boot ne’e, sira sente hanesan los Israel sira hare FOHO SINAI. 

Los duni, iha Biblia Sagrada, FOHO sai hanesan fatin atu “Lalehan ho Rai” hasoru malu (Isaias 14, 13); husi fatin aas Maromak haraik moris (Ezquiel 28, 14-16); maibe foho mos sai fali simbolo ita ema nia arrogância (Isaias 2, 12-15); maibe mos sai fatin lulik no aas liu atu ema harohan no hanai Maromak (Salmo 2, 6; Jeremias 2, 20). Wainhira ko’alia konaba FOHO SINAI, dehan husi nia “lolon”, Lia Na’in (profeta Moises) sae ba nia “tutun” hodi hasoru Maromak. Simu tiha Maromak nia Ukun-Fuan sanulu, Moises lori tinan 40 atu lori Povo ida ne’e ba sira nia LIBERTAÇÃO ... lori to’o ba sira TERRA PROMETIDA. 

Liu tiha tinan 45 Borja da Costa hakerek poema FOHO RAMELAU, teki-teki iha ema ida, naran Naimori Bukar, foti’an tiha ba profeta falso ida, hanoin katak nia mak RAMELAU na’in. La’o tun la’o sae iha Timor-Leste hodi lohi ema atu ba jura iha Foho Ramelau. Borja da Costa dehan, “Sa be aas liu o tutun????”; Naimori Bukar tur tiha iha kadeira plastik hodi foti’an aas liu Ramelau tutun; Borja da Costa dehan, “Sa be bein liu o lolon???”, Naimori Bukar maubadak dehan nia mak “bein liu” (nenek moyang) ba Timor-Leste. Lae! Naimori Bukar badak liu, ninia moris mos dabak liu. Naimori Bukar la’os “libertador” maibe “lohidor”, nia halo “terra prometida” Timor-Leste ne’e monu iha humilhação nia laran. Nia halo POVO moe (exemplo: nia fen sai ministra ba ko’alia iha rai liur halo Timor foti oin la sae). Nia halo RAI TIMUR lakon dignidade – Partido Fretilin tanis; PLP hakneak no CNRT moe boot, PD oin kamutis, PUDD, FM no UDT sai tiha “ikan teri”. Lae, Naimori Bukar. Juramento nebe nia halo, sai ona malisan ba nia rasik. 

Tuir mai (2), Borja da Costa declama no reclama “Tan sa timoroan hakru’uk beibeik?// Tan sa timoroan atan uai-uain?// Tan sa timor ulun sudur uai-uain?”. Ita Timor, laos deit Mambae no “Kaladi” sira seluk; maibe mos “Firaku” sira … hasoru malu ita dehan “Hau Ata” hodi hatudu sentimento de respeito ba “Ita Boot”. Iha Makasae ami dehan “Fi Anu” (ita atan) ko’alia ba “Amo Dai”; iha Uaima’a ami dehan “Hire ata” ba “Bu Dai” (avo mak na’in), selae “Au Bu” (hau nain). La hanesan wainhira ita Timor ko’alia ba malu, “Hau – Ó” ne’e ba de’it labarik sira, ka foinsae sira nebe ninia nivel hanesan. Ba ema boot no katuas sira, sira la dehan “hau – ó”. Nune’e, ita Timor mak “hakru’uk” ba malu tan hadomi no hamtauk malu; halo’an “atan uai-uain”; hatudu “ulun uai-uain”. Teki-teki, Borja da Costa fila lia ho “ponto de interrogação” (?). Ida ne’e atu hatudu katak nia mak halo primeira revolta metafisica. Saida mak naran “revolta metafisica”? Hanesan Albert Camus dehan, liu husi “questionamento” (mempertanyakan), ema brani foti oin hateke matan-laran hodi dehan “be ó se fali ona mak hau hakru’uk ba (?); ó se hau se be atan no ulun sudur?” ... FRETILIN dehan kedas “NÃO NÃO NÃO Á EXPLORAÇÃO”. 

Borja da Costa hakarak dehan, ami Timor-Leste mak hakruk ba malu, hadomi no hamtauk malu ho dignidade no orgulho. Liu tiha tinan 45, Naimori Bukar lori doutrina husi liur, husi Indonesia mai haruka Timoroan sira ba halo “juramento” hodi hakru’uk”. KORKA ne’e laos Timor nia lisan, laos Timor nia cultura. Nia mai husi Indonesia. Tan ne’e mak Naimori Bukar hanorin ninia “PENGIKUT” sira ho “BAHASA INDONESIA”. Sira nia doutrina la hakerek ho Tetum, sa tan Mambae. Juramento Ramelau ne’e hanesan “terrorismo mental”, halo Maubere sira iha Mambae hakru’uk, ulun sudur, atan uai-uaian ba AJARAN SESAT mai husi sorin.

Ikus liu (3), iha FOHO RAMELAU, Borja da Costa ... “Hader, rai hun mutin ona la!// Hader, loro foun sa’e ona la!// Loke matan, loro foun to’o iha o knuak!// Loke matan, loro foun iha ita rain!//Hader, kaer rasik kuda talin eh!// Hader, ukun rasik ita rain eh!”. Wainhira foinsae sira hakarak halo peregrinação ba NA’I FETO RAMELAU, sira “HADER” iha kalan wainhira rai sei nakukun; la’o neneik husi ninia “LOLON”, hodi to’o nia “TUTUN”. Wainhira to’o tiha iha foho leten, sira “LOKE MATAN”, hasai foto, hakoak malu, haksolok tebes hare “LORON FOUN SAE” dadaun iha horizonte nia hun. Tan ne’e mak Nicolau Lobato hakerek katak, wainhira mosu Revolução dos Cravos (25 de Abril de 1975), ba Timoroan sira hanesan “UM NOVO HORIZONTE, UM HORIZONTE DA ESPERANÇA”. 

Aat tebes ba ita nia historia da luta, wainhira ho JURAMENTO, Naimori Bukar halo ema tama fali nakukun laran, oin nakukun laran nakukun. Tan, nia lori AJARAN SESAT. Ema sira nebe kbiit laek, foinsae sira nebe buka dalan atu hetan horizonte foun, Naimori Bukar ba lohi sira halo sira sai radikal, maibe beik nian. Juramento falso nebe Naimori Bukar halo ne’e hanesan “crime grave contra humanidade”. 

Furak tebes, wainhira Borja da Costa dehan, “Loke matan, loron foun to’o iha Ó KNUAK”! Nia hanesan fanun ema hotu nian néon, katak maski colonialista sira dehan ema sira husi “Ó KNUAK” ne’e mesak beik-ten la hatene buat ida ... maibe, Revolução halo ema hatene ona rai nia luan, rai nia naruk. Liafuan “Ó KNUAK” ne’e mak matenek na’in Ferdinand Tönnies dehan “gemainschaft”, moris iha de’it nia rai klot laran tuir ninia lisan rasik. Naimori Bukar halo tiha ninia “knuak” sai fali “ibukota” ba Timor nia cultura; halo ninia “palácio” iha ema ki’ak no mukit nia let hodi nauk ema nia lulik sira atu tau iha laran. Lae! Firaku sira iha ida-idak nia lisan; Kaladi sira mos iha ida-idak nia lisan rasik. Mambae la hanesan ho Makasae; Kemak la hanesan ho Uaima’a; Baikeno la hanesan ho Fataluku; Tetun la hanesan ho Bunak. Ida-idak iha ninia “uma knuak” rasik. La iha ida mak bele hakruk ba Naimori Bukar nia “uma knua”. 

Tuir mai, Borja da Costa hakat liu tan, dehan “Loke matan, loron foun to’o iha ITA RAI”. Iha ne’e mosu mudança literária nebe solene tebes. Timor la’os ona “knuak” oan ida, maibe RAI foun ida, MORIS foun ba comunidade boot ida – ITA nia RAI. Nune’e, mak iha 29 de Novembro de 1975, Nicolau Lobato dehan, “Rai Timur agora hanesan uma ita nian ona. Uma na’in mak ita. Loke ka taka odamatan, ita mak loke ita mak taka”. Colonialista sira mak hanoin Timor ne’e ki’ik, ki’ak no mukit los. Maibe, Timor la hatene tane liman ba ema seluk. Sa tan hakarak sai riku maibe bosok ka lohi mate-mean nian. 

Poema ne’e taka ho liafuan furak tebes, “kaer rasik KUDA talin// UKUN RASIK ITA RAI”. Borja da Costa hare ba “KUDA” atu hatudu identidade real. Mane nebe iha “KUDA” rasik, katak mane los nian, mane liurai nian. Nia hakarak hari’i “UMA KAIN”, nia rasik mak kaer kuda talin ba “HAFOLIN” (dignificar; valorizar) feto, katak mane lao foti oin, lao hiit hirus matan. La lao hakruk tuir ema seluk. Iha ita nia lisan, mane nebe mane lolos ne’e IHA RAI RASIK – hodi hari’i uma, halo to’os ka natar. Borja da Costa hakarak hatudu katak TIMOR ne’e hanesan NAÇÃO ida ho ninia DIGNIDADE, no ESTADO ho ninia SOBERANIA. 

Los duni, Biblia dehan, wainhira ema mak foti’an aas liu foho ... Maromak sei hatun malisan no sei halo rahun tiha nia tutun sira no lolon sira fatin halo ritual falso husi profeta falso sira (Ezequiel 6, 3); wainhira “lolon” no “tutun” sira ne’e Maromak halo tetuk hotu, Nia rasik mak lori libertação ba Povo (Lucas 3, 5-6). Loron to’o ona, KHUNTO tenki tetuk tiha! Se partido Fretilin lakohi halakon ninia identidade nudar “continuador” husi FRETILIN, “Tan sa … hakru’uk beibeik?// Tan sa … atan uai-uain?// Tan sa … ulun sudur uai-uain?” ba KHUNTO. Foti matan foti oin … “SABEMOS E, PODEMOS E, DEVEMOS VENCER” (Nicolau Lobato, 20 de Maio de 1978). 

Hau labele imagina didiak, wainhira Taur Matan Ruak no Lu-Olo hamutuk ho Mari Alkatiri “joga sai” Kay Rala Xanana Gusmão hodi tane-metin fali Naimori Bukar. Historia hakerek tiha ona tinta mean …!!! Ya, los duni … “Sakitnya tuch di sini”! Hanesan uluk, Soekarno fo tiha “supersemar” (Surat Perintah Sebelas Maret, 1966) ba Soeharto … nia joga sai Soekarno, “hadau” cargo nudar Presidente Republica Indonesia, 1968! Maibe, Soekarno “nonok” lakohi halo violencia. Soeharto halo nafatin maltrato ba Soekarno, too Soekarno mate hanesan ema fuik let ida.

Martinho G S Gusmao