Subsidio temporario COVID-19 ba timoroan iha estrangeiro. Oinsa Timor oan iha Inglaterra nebe kaer Passaporte Timor?

Celso Oliveira

Xefe komunidade Timor oan iha Peterborough,  Inglaterra Celso Oliveira Kestiona liu husi rede social Facebook lei 21/2020 nebe Promulga ona husi Presidente Francisco Guterres Lu-Olo konaba subsidio temporariu durante periodo CORONA virus "Tamba sa Governo Timor abandona Timoroan iha Inglaterra?" Celso tenik, simu notisia husi Agensia Lusa nebe hateten PR Francisco Guterres Lu-Olo promulga dekretu lei no: 21/2020 hodi fo'o subsidiu temporariu duranti periode Covid19 ba Timoroan iha estranjeiro (14 paises: EUA, Australia, Portugal, Espanha, Italia, Brasil, Cabo Verde, Filipina, Malaysia, Tailandia, Vietnam, India, Indonesia no Tanzania) maibe  la inklui nasionalidade Timoroan iha Reinu Unidu. 

Xefe Comunidade Timor oan iha Peterborough preokupa tamba realidade iha Inglaterra ma'ak Timoroan barak sei uza passaporte Timor (nasionalidadi Timor) oras ne'e sei moris iha Inglaterra hodi hein sira nia prosesu aplikasaun ba Biometric Residence Card ou processu sidadaun portuguesa. Nia kestiona "Oras ne'e barak tebes-tebes mak hela iha UK. Sira ne'e nasionalidadi Timor k lae? "

Ho preokupasaun sira ne hotu Celso Oliveira husu atu VIII Governo Timor bele revê (hare fila fali) politika distribuisaun subsidio temporariu duranti COVID-19 ba Timoroan iha estrangeiro, atu favor ida inklui nasionalidadi Timoroan iha UK. 

Tamba tuir nia observasaun pandemia COVID-19 afeta ema hotu-hotu inklui sidadaun nasionalidade Timoroan iha UK-Inglaterra. Nia sinti katak  Subsidio temporariu ba Timoroan iha estrangeiro duranti periode Covid19 nebe exklui Timor oan Nasionalidade Timor hela iha Inglaterra  hanesan njustisa bo'ot. Celso lamenta, pois "Sidadaun hotu-hotu igual, Governo labele halo diskriminasaun.

Dalia Kiakilir

Oxford, 08 Junho 2020