.
Tell Me Why - Jauh di mata dekat di hati? Tebes ka lae ;) Official Video Out Now, by Kiakilir Dalia & A-Takur ©SilentVoice Pictures Productions 2019. �� Homemade video. Hope to keep you entertained �� Music in 3 languages, Bahasa indo, English & Tetun. Enjoy Lovers❤
TAMA LIU MAI BAINAKA SIRA, BEM VINDO E OBRIGADA PELA VISITA!

Ksolok

quinta-feira, 29 de agosto de 2019

REFERENDUM 1999 - Bispo D. Carlos Ximenes Belo nia surat ba ONU

D. Carlos Ximenes Belo
 Premio Nobel Da Paz 1996
Hahú kedas iha tinan 1983, rezisténsia ne’ebé lidera hosi Komandante em Xefe, Xanana Gusmão, propoin no eziji Referendum hanesan solusaun pasífika no negosiada, atu resolve problema Timor-Leste nian. Proposta Referendum ne’ebé Komandu Superiór da Luta aprezenta ba governu Indonézia, liu-hosi “kontak dame” ka Sesar-fogo ne’ebé hala’o entre Komandante em Xefe, Xanana Gusmão, ho Koronél Purwanto, iha Larigutu, iha tinan 1983. Infelizmente, proposta Referendum ne’ebé Komandu Superiór da Luta aprezenta ba Koronel Purwanto, governu Indonézia kompletamente ignora tiha. Governu Indonezia ignora tamba sira fiar katak, povu Timor deside ona integrasaun Timor ba Indonézia liu-hosi Deklarasaun Balibo, ne’ebé realiza iha loron 29 fulan-Novembru tinan 1975.

Biar rezisténsia ne’ebé lidera hosi Komandante em Xefe, Xanana Gusmão, eziji beibeik Referendum ba Timor-Leste. Maibé, ezijensia ne’e mundu internasionál ladún fó atensaun maka'as. Referendum só hetan atensaun maka’as hosi mundu internasionál, bainhira bispu Dom. Carlos Belo hakerek surat ba Prezidente Portugal, Mario Soares, ba Amo Papa João Paulo II, no ikus-liu ba Sekretáriu-Jeral Nasoens Unidas nian, Javier Perez de Cuellar. Liu hosi Dom. Carlos nia surat tolu (3) ne’ebé hakerek ba Prezidenti Portugal, Amo Papa no Sekretáriu-Jeral Nasoens Unidas nian mak konsege manan Indonézia nia izolamentu ba Timor, no manan mós mundu internasionál nia dezinterese ba kazu Timor.

Dezde Indonézia nia invazaun, Igreja Katólika mak únika instituisaun ida ne’ebé bele komunika ho mundu exteriór, tamba ne’e bispu Dom. Carlos hakerek no haruka beibeik surat ba personalidade no entidade oi-oin iha mundu tomak, hodi protesta hasoru brutalidade militár Indonézia nian iha Timor. Biban ne’ebá bispu Dom. Carlos nu’udár administradór apostóliku Dioseze Díli nian, ne’ebé sai Xefe ba Igreja Katólika iha Timor-Leste. Hanesan bispu Timoroan, Dom. Carlos iha karisma boot ba labarik, joven, ferik-katuas no sarani tomak iha Timor-Leste. Tanba injustisa, atrosidades no violasoens direitus umanus oi-oin ne’ebé Indonézia halo hasoru labarik, joven, ferik-katuas, mak iha loron 6 fulan-Fevereiru tinan 1989, bispu Dom Carlos, hakerek surat ba Prezidenti Portugal, Amo Papa no Sekretáriu-Jeral Nasoens Unidas nian.

Objetivu prinsipál hosi surat ne’ebé Dom Carlos hakerek mak atu husu Referendum ba Timor-Leste. Bispu Dom. Carlos fiar no iha konviksaun ida katak liu-hosi Referendum mak Timoroan sira bele deside rasik sira-nia futuru intregasaun ka ukun-rasik-an. Iha surat Dom Carlos afirma dehan tenki rona Timoroan sira liu-hosi Referendum ida, tanba to’o agora seidauk konsulta ho povu, no Indonézia de’it mak hatete povu hili ona integrasaun. Klaru liu, parte balun hosi Dom. Carlos nia surat mak hanesan tuir mai:

"Tomo a liberdade de escrever a Sua Excelência o Senhor Secretário-Geral para levar ao seu conhecimento que o processo de descolonização de Timor Português ainda não está resolvido pelas Naçõens Unidas e convém não deixá-lo no esquecimento. Para nós o Povo de Timor, pensamos que temos de ser consultados sobre o destino da nossa Terra. Por isso, como responsável da Igreja Católica e como cidadão de Timor, venho pedir ao Senhor Secretário-Geral para iniciar em Timor o processo de descolonização mais normal e democrática que é a realização de um Referendo. O Povo de Timor tem de ser ouvido através de um plebiscito quanto ao seu futuro. Até agora, o povo ainda não foi consultado. São os outros que falam em nome do Povo. É a Indonésia que diz que o povo de Timor já escolheu a Integração. Portugal quer deixar ao tempo a resolução do problema. E nós vamos morrendo como povo e como nação. Sua Excelência é um defensor  dos direito humanos. Peço-lhe que demonstre por actos o respeito pelo espírito e pela letra da Carta das Naçõens Unidas, que concede a todos os povos deste planeta o direito a decidir o seu próprio destino, livre, consciente e responsavelmente. Excelência, não há maneira mais democrática de conhecer o supremo desejo do Povo de Timor Oriental do que realizar um Referendo para Timor, Referendo esse organizado pelas Nações Unidas.”

Surat Dom. Carlos nian ba Sekretáriu-Jeral ONU, fó-sai iha fulan-Abril. Bainhira surat ne’e fó-sai, autóridade sivil no militár Indonézia hirus tebe-tebes Dom. Carlos. Sira hirus tamba surat nia konteúdu ne’e polítika no inkomoda tebes Indonézia momentu ne’ebá. Autóridade militár no sivil sira, inklui akadémiku no inteletuál Indonézia nian balun, halo reasaun maka’as hodi kritíka, akuza no ameasa atu oho Dom. Carlos. Situasaun ne’e sai aat liután bainhira Dom. Carlos salva no fó hatene ba mundu internasionál joven sira ne’ebé mate no halai hosi masakre Santa Cruz, iha tinan 1991. Tempu ne’ebá Dom. Carlos nia vida iha kilat tutun, tamba hetan ameasas no persegisaun oi-oin hosi autóridade militár no sivil Indonézia. Ho grasa no tulun Na’i Maromak nian Dom. Carlos la hetan susar to’o Referendum, 30 de Agustu 1999.

Hahú hosi Dom Carlos nia surat fó-sai, demonstrasaun oi-oin halo iha Timor-Leste, Australia, Europa, Amerika no Azia, demonstrante sira sempre kaer metin liafuan Referendum hanesan palavra de ordem. Nune’e mós surat petisaun oi-oin, hosi petisionáriu sira sempre temi liafuan Referendum hanesan ideia prinsipál. Iha Indonézia rasik mós, manisfestante no petisionáriu sira sempre temi liafuan Referendum hanesan palavra de ordem. Ikus-liu, hahú hosi tinan 1983, Komandu Superiór da Luta hato’o proposta Referendum no Dom. Carlos nia surat fó-sai, lori tinan salunu resin neen (16) atu povu deside rasik sira-nia futuru liu-hosi Referendum. Tempu ida ne’ebé naruk tebes no hakaat liu terus, susar no sofrimentu oi-oin atu realiza Referendum, hodi hetan ukun-rasik-an no hakotu Indonézia nia okupasaun. 

Dili, 29 Agustu 2019
Autór: Amandio Lopes
  Timor Ha’u-Nia Rain

quarta-feira, 28 de agosto de 2019

Ema ida Istoria ida - Hau nia memoria Konsulta Popular 30 Agosto 1999


1999 Iha BAUCAU KOTA BARU momento ne merkado sei iha bairo RAQALELE agora rofing nia. 

Rona tia rejultado dehan referendum menan ami halai liu ba LAGA/SAGADATE LALULAI ( HAU NIA CAMARADA COBOY nia hela fatin) depois muda ba ONEBU alin Adelino nia uma besik Los Camarada Maubere Gusmao nia Uma depois muda tutan tan ba Selegua konsege ba sae nu iha camarada maubere Sira nia knuk mak han hodi kalsu netik kabun.

Maibe iha momento né senti triste oituan tamba tenki fahe malu ho hau nia katuas no bin boot tamba sira halai ketak ba QUELICAI Matebian hau mak halai hamutuk ho hau nia ferik maun ho Familia SAGADATE sira tamba hau nia ferik dehan ita labele halai hamutuk tamba iha risku bot halai hamutuk milisia bele kaer oho familia tomak no nune balun bele salva para konta netik ita nia história.

Iha momento tuir dalan atu halai ba sagadate tentara sira palang ami iha dalan kaibada, nia husu ami Mau Kemana rombongan ini?? Maun supir hatan deit kita maun di samping Itu PAK... né mak tentara ne dehan lewat aja ngak usaha takut kita saudara (Tentara ne 745 ema FLORES nia ema isin metan ida uluk mos gosta ransu jovens sira hemu tua mutin iha merkado laran nia rasik).

Maibe, hau sei lembra mos mos hanesan orseik, ami nia liman ain nakdedar i hau koalia iha laran deit kala atu mate ona... Hau hare ba kareta INO ne tentara nakonu no kilat mos komeca turutu ona iha fatin fatin no tentara sira balun iha kareta laran hare ami oin boot deit maibe sira konsege fo ami liu duni..

Hau nia Reflexaun. Agradese ba Maromak fo ami salva, no moris to ohin loron hodi senti duni ukun an ida né.

Ida né mak história badak sobre atan hau iha 1999. Respeito no hakruk ba hau nia heroi Sira hotu., Sira hotu nia mate no terus mak Povo TIMOR nia liberdade ✊✊✊✊✊✊

Chegue Raqa
Scunthorpe , 28 Agosto 2019

Edisaun espesial Kiakilir Blogspot
Timor-Leste em Memoria
Konsulta Popular, 30 Agosto 1999
Ema ida, istoria ida. 20 anos depois


Istoria badak, funu nain FALINTIL , saudoso Lino Franca

Funu Nain FALINTIL
Istoria badak saudoso Lino Franca 
SAUDOSO LINO FRANCA

Lino França hanesan Saudoso ida nebe oan husi aman Humberto da Costa ho inan Emilia Teresa, moris iha Lolotoe, Distrito Bobonaro iha loron 18 fulan Marsu tinan 1953.

Durante nia moris saudoso kompleta nia estudu iha Liseu Dili, no hanorin eskola iha Bobonaro tinan rua molok indonesia tama.

Saudoso servisu iha fronteira-sul, Suai, Salele. Depois fila ba Dili hodi ajuda comissário político Fretilin César Mau-Laka hanesan ajunto nomos lori telégrafista hodi halo komunikasaun ba rai-laran ho rai-liur.

Iha tempu funu, hahu kedas husi Indonesia tama, 1975, Saudoso Lino França sempre kumpri orientasaun husi Maun Boot Nicolau Lobato ho prinspiu “mate ka moris ukun rasik aan”!! Nune’e, iha loron 07 Fevereiru 1978 Saudoso tiru malu ho militar indonesia sira iha parte Letofoho, too ikus “bapa” sira konsege kaer nia no hetan kastigu durante semana ida. Fatin kastigu iha to’os koto laran, Letefoho, tropas indonesia sira kesi metin iha ai-hun bo’ot ida (tuir testamunha sira konta).  “Bapa” sira halo introgasaun, no nia hateten ba sira katak husik nia atu nia bele ba fali ai-laran. “Bapa” sira lakohi, no hakarak nia rende, maibe nia hatan dehan “diak liu imi tiru mate hau duke hau rende ba imi”.

Metin ho konviksaun “mate ka moris ukun rasik aan” mak iha loron 14 Fevereiru 1978 militar indonesia sira konsege tiru dá-la 9 ba nia hirus matan to’o iis kotu iha fatin kastigu koto laran Letofoho, Ermera.

Dalia Kiakilir
Edisaun Espesial ,  Timor Leste em Memoria
Konsulta Popular 30 Agosto 1999 
Ema ida, Istoria ida


Artigu ne, testemunho husi sobrinho 
funu nain rasik Rui Pires
Oxford, 28 Agosto 2019

Publicação em destaque

Dalia Kiakilir "My Self"

“ Ohin hau pinta aban ho perspektiva matak, ho larametin katak realidade bele mosu hanesan iha hau nia mehi! ”  Dalia ,    Was b...