IMAJEN no AKONTESIMENTU
We are proud to release in this market the first lines of fragrances Buibere for Her and Maubere for Him. Together with glass handcrafted gifts perfect for Christmas.
BEM VINDO E OBRIGADO PELA VISITA!

segunda-feira, 11 de fevereiro de 2013

Politica iha Hau nia Moris!

"Hau la'os ema politico no la hatene koalia Politica, 
maibe hau nia moris rasik Politica ida"
Apesar de importancia nebe'e assunto ne'e iha, ema ituan deit ma'ak iha interesse atu haksesuk, tamba iha hanoin badak katak Politica ne'e tema ida indiscutivel ba povo no dever ida ba "sira" nebe'e moris iha "Poder".

Atitude nebe'e taka-an ba maioria populasaun sei fortalece tan ita nia entendimento ba saida mak ita bolu "Politicagem" no sei enfraquece ideia primordial "Politica". Tamba hamosu ema sira nebe'e  mak desonra, ema sira nebe'e mak destroi no ema sira nebe'e mak usa ema hanesan massa de manobra ho forma abusiva no politicamente buka beneficio.

Maibe, Se mak dehan katak Politica la joga ho "kilat" nebe'e mak iha? De facto sempre nune'e, husi kedas ema Gregos sira cria "Polis" (Cidade-Estado). Claro ona katak Politica ne'e Arte de Governar no Uso de Poder nian nebe'e defende Direitos Cidadania nian.

Saida mak "Politica"? Politica ne'e Arte de Conquista, Arte "Kaer" no "Hametin" Poder no Governo rasik. Ba ne'e hotu hau sinti katak sei iha divergencias balun sobre assunto referente, balun dehan katak Politica mak Ciencia Poder nian, no ema seluk fali defende katak Politica mak Estado nia CienciaHakerek iha Oxford Dictionaries, definisaun Politica ma'ak actividade nebe'e associada ho Governo, Pais ou Area, entre parte sira nebe'e iha Poder. Significa katak Politica, husi forma ida ou forma seluk interligada ho Poder. Poder nebe'e gera impacto ba Publico liu husi nia Accoes (praxis humana).

Politica ohin loron necessita urgentemente reforma ida, reforma husi nia ideologia to'o nia metodologia hodi fo hanoin, metodos no implementasaun nebe'e mak sei muda no educa sociedade nia hahalok no hadia diak liu tan Nasaun nia moris. Ba ida ne'e Responsabilidade husi Partidos tem que bo'ot liu tan hodi lao's deit Define Politica maibe Executa Politica. Katak Executa Politica ho Unidade lao's Executa Politica ho Singularidade.

Hanesan sidadaun Timor oan ida, hau precisa Ideologia ida iha hau nia moris, ideologia ida nebe mak sei define hau nia a'an nudar ema ida iha uma laran no nudar ema ida iha sociedade nia laran. Politica moris nian mak ne'e ou selae bele dehan katak ne'e mak Ideologia Politica ba ida-idak nia moris. Maibe iha ema barak mak sei dehan katak "Ta'uk atu koalia Politica, no Lakohi mete Politica" wainhira ita nia moris rasik mos Politica ida.

Tinan 24 ita luta ba Timor nia Independencia, ita defende Politica Direitos Humanos nian ba Ita nia rain, husu reconhecimento Internacional ba Timor nia Causa durante Indonesia nia Okupasaun. Wainhira ita foti Bandeira, wainhira ita hakilar, wainhira ita manifesta ita nia desejo Ukun A'an, tamba iha ita nia ran no iha ita nia fuan laran exalta Ideologia ida nebe'e mak forte no a'as liu.

"Ideologia" iha significado barak tamba depende ba senso comun ida-idak nian, pois nakonu ho ideias, hanoin ka pensamentos, doutrinas no visoes sobre mundo husi ema ida ka grupo nebe'e orienta nia accoes iha sociedade no iha politica.

Ita labele Ta'uk "Ideologias Politicas" no geral, tamba sira ma'ak indispensavel ba Politica iha ita nia moris no mos ba Politica Politicos sira nian tamba Ideologias politicas sira ne'e ma'ak sei contribui no hametin Hanoin no Hahalok nebe'e ma'ak sei evolui sociedade ida. Directa ou Indirectamente ema hotu tama iha Politica no mos iha direito atu fo ideias, critica no argumenta ho firmeza ideologia husi qualquer parte ida, seja companheiro ou adversario. 

Se ma'ak laiha conscienscia ba Ideologia nebe ma'ak nia fiar sei acaba por ingenuamente adopta a'an ba ponto de vista ba ema sira nebe'e ma'ak iha Poder, pois "sira" nia influencia iha meios de comunicacao, universidades, partidos politicos, igrejas no instituicoes sira seluk sei sai hanesan veiculos ba dominasaun ideologica (hemonogia). 

La'os por acaso ma'ak media sira ou meios de comunicacao ohin loron iha certeza katak "ideologias" sira ne'e supera a'an ona (aceitavel) tamba iha intervensaun/ideologicas no opinioes publicas barak ma'ak diversifica husi ema sira iha Poder atu nune mos bele fo i'is foun ida ba "sira" hodi nune "sira" mos bele hetan alternativas hodi hatutan "ideologias" ma'ak hamosu husi ema sira ma'ak laiha iha "Poder" (sidadaun sira). Trata-se de uma estrategia de luta ba orientasaun intelectual opiniaun publica, iha contexto ne'e importante tebes atu compreende no educa comunicacao ideologica husi parte hotu hotu, por mais subtis que sejam.

Atu konklui katak labele ignora Ideologia Politica ba ita nia moris, tamba Ideologias sira ne ma'ak molda, constroi no evolui intelectualmente ita nia a'an hanesan ema no mos ita hotu nudar sidadaun iha Nasaun ida nia laran, atu nune'e Ideologia sira ne'e  bele alcansa Sucesso ba Transformasaun Sociedade nian. 

Desafios barak ma'ak ita sei hasoru, no boatos barak ma'ak sei mai hodi Contraria, Revolta no Sobu Unidade Nacional. Hanesan foin dadauk caso Hercules nebe'e media Indonesia  hanesan Jakarta Post, Jawa Post International Network no seluk tan hatun hodi provoca "debate politico" entre Nasaun rua Timor Leste - Indonesia (Hercules Bikin Gerah Militer Timor Leste - F-FDTL Ancam Lakukan Penangkapan). Automaticamente ba ema leitor nebe mak hare titulo ne'e iha kedas reaccao negativa ho tendencia ba conflito entre Nasaun rua ne'e. 

Sani hikas deklarasaun ida husi Major General Lere Anan Timor kona ba caso Hercules: "Sim, ita rekonese Hercules sidadaun Indonesia... Maske nunee, predikat “Timor Oan” la lakon. Bazea determinasaun Konstituisaun RDTL, Timor Leste rekonese nafatin Timor Oan nebe hela iha ema nia rain. Laiha razaun ba sira nega an, katak, sira laos Timor Oan ka ema Timor Leste. Haktuir ba espiritu Timor Oan nee, Timor Leste sei sura nafatin sira nudar Timor Oan." (Perihal Deklarasaun Maijen Lere Anan Timor)

Hanesan dehan iha leten: "Se mak laiha conscienscia ba Ideologia nebe'e mak nia fiar sei acaba por ingenuamente adopta a'an ba ponto de vista ba ema sira nebe ma'ak iha Poder" ba ultimo caso ne'e, "ema" sira ne'e mak "media" sira, pois sira iha Poder atu influencia no domina radicalmente ema nia hanoin liu husi escrita pois acaba por distorcer, adulterar no cria informasaun nebe'e mak sensacional no surreal hodi gera Polemica.

Hau fiar katak Movimentos Ideologicos Politicos buka luta ba igualdade Social no Economica iha nia tempo no iha nia fatin! Nudar sidadaun Timor oan ida, hau precisa Ideologia ida iha hau nia moris, ideologia ida nebe'e mak sei define hau nia a'an nudar ema social no politica!


Politica Iha hau nia Moris, resume iha hau nia hanoin, hau nia hahalok, no hau nia liafuan nebe'e hatudu iha praxis civica no direito aquirido iha Sociedade.


"O homem é um animal político." — Aristóteles


Dalia Kiakilir Agostinho
Oxford, 11 Fevereiro 2013

Sem comentários:

Enviar um comentário