.
Subscribe to my channel Youtube.com/user/DaLiaMuzic
TAMA LIU MAI BAINAKA SIRA, BEM VINDO E OBRIGADA PELA VISITA!

domingo, 17 de janeiro de 2016

Timor Oan KERRY GALHOS, "Next Serena Williams iha Tennis World!" - Dadalia ho Hau!

Loron Diak Timor, Good Day World!

Kerry Galhos
Iha semana kotuk liu ba wainhira connect iha mundo virtual atu buka informasaun ka noticia sobre hau nia rain doben Timor Leste, iha notisia ida nebe destakadu tebes iha media Australia no fanun hau nia atensaun ba alin feto Timor oan ida nia historia. Kerry Galhós mak alin nia naran.

Tuir informasaun husi site noticia Media Connections, Kerry Galhós, Timor oan ida nebe iha tinan 2009 muda husi Timor ba moris iha Australia hodi aperfeicoa nia treino ba desporto Tennis. Ho ajuda makas husi familia ida iha Brisbane no Comunidade Study & Plays, ohin, Kerry hela ona iha rai Estados Unidos da America hodi tuir treino profissional Tennis ho Schollarship completo iha Texas University San Antonio (UTSA).

Ho haksolok ba noticia nebe diak tebes ba ita nia comunidade Timor oan nebe representasaun la too 5% iha populasaun mundial (tuir estatisticas World Bank Data) no ohin loron sei iha hela fase de desenvolvimento, hau considera katak informasaun ne'e hanesan Exemplo diak ida ba ita nia gerasaun foun. 

Nune duni, husi rede social facebook, hau lokaliza alin feto ne'e, no, ho biban iha oportunidade diak hodi dada lia ituan ho nia atu hatene liu tan alin ne'e nia historia.

Historia ne'e, laos historia bai-bain ida iha mundo desporto tennis nian, maibe singular konaba jovem ida husi rai kiik Timor-Leste nebe foin mak kore-an husi rai-boot sira nia ukun, no nakonu ho esforso makas husi ita nia alin Kerry, sacrificio nomos generosidade husi mundo tomak.

Lesson learnt "never give up"!
Kerry Galhós alin feto Timor oan moris iha Dili, Bidau Santa-Ana iha loron 9 fulan Agosto tinan 1995. Kerry ma'ak oan feto bo'ot husi aman Joao Luciano Galhós no Mae Maria Castro da Costa Galhós ho alin mane nain tolu ho naran Nelio, Alex no Fidel.

Desde kiik mak Kerry sempre hatudu nia inspiration ba desporto tennis, nudar oan feto bo'ot iha familia, nia mos sempre suporta inan aman hodi ajuda nia alin sira nia edukasaun, tan ne'e mak Kerry nia Pai no Mae fo apoio moral ba nia hodi motiva nia labele halakon nia talento ba joga tennis hodi halo esforso makas hodi haruka oan murak ne'e ba estuda iha Australia. Kerry hatutan "Hau nia familia  sempre apoio hau desde inicio, sira sacrificio makas hodi ajuda hau bele sai mai rai liur, tan sira mos mak ohin hau iha ne'e".

Wainhira, Kerry to'o iha Australia, familia Rapkins husi Beenleigh simu nia, orienta no apoio hodi estimula liu tan Kerry nia mehi hodi joga Tennis. Sira mak lori alin feto ne'e no apresenta directamente ba fundador Study & Play USA Chris Bates no fundador ne'e rasik wainhira hare Kerry nia skills joga tennis mak hatudu kedas nia interesse hodi lori nia ba Estados Unidos hodi laos deit aposta ba alin feto ne'e nia vocação maibe mos bele hetan oportunidade estuda iha neba. Tan ne'e mak ohin loron, tuir biban tesi lia ho alin feto Kerry, dehan katak "Laiha liafuan ida mak bele descreve didiak hau nia sentimento hodi agradece familia Rapkins nebe ajuda hau hodi realiza hau nia mehi ne'e".

Kerry Galhos, Judith Vives UTSA AThletics
Tuir historia nebe halekar iha media sira, hau admira tebes ho Kerry nia esforso no determinasaun hodi duni-tuir nia mehi atu nune bele sai atleta tennis profissional no hamorin tan ita nia naran Timor iha mundo rai klaran....

Kerry iha lia murak ruma hodi hatutan ba ita nia gerasaun foun nebe ohin mos hakas aan atu realiza sira nia mehi?

Kerry hatan... "Hanesan foinsae Timor oan, ita mak futuro nasaun nian. Ita hotu iha dever no responsabilidade atu servisu makas no estuda didiak atu lori ita nia nasaun ba oin. Se ita iha talento tenke promove, laos iha desportu deit maibe iha area sira seluk mos. Hau agradece tebes hau hetan oportunidade atu estuda no mos joga tenis iha Universidade ida iha USA. Oportunidade ida ne sai hanesan passo ki'ik ida ba hau nia mehi nebe mak bo'ot liu tan. Hau hakarak halo mehi ne sai realidade."

Atu conclui, Kerry nia historia, nakonu ho kosar ben no luta maka's husi alin ne'e rasik no familia iha Timor no mos familia Rapkins iha Australia. Karik dook liu ita halo comparacao Kerry Galhos ho Serena Williams (Atleta famosa iha Mundo Tennis), maibe sirua atu iha background similar, hare husi lidun socioeconomico nebe mai husi fatin moris nebe kiak, no duro. Serena nunca desiste husi nia mehi tan ne'e ohin nia sai atleta ida nebe hetan reconhecimento mundial ho admirasaun barak husi ema rihun ba rihun iha Mundo tomak no hau fiar katak Kerry mos sei bele.

Serena Williams
Tan ne'e Kerry afirma... "Serena Williams mak hau nia inspirasaun hodi comesa joga tennis. Nia moris mai husi familia nebe mak ladun iha, no husi cidade nebe mak "rough" (hau lahatene liafuan tetum saida) iha circumstancia ne hotu, ho nia determinasaun no servisu makas nia bele sai atleta nebe mak ema barak adora, laos deit iha tennis maibe desporto sira seluk mos. Hau gosta tebes nia maibe sidauk to nia level!"

Ba alin feto Kerry nebe hau admira tebes hau nia orasaun no bensaun, husu Maromak tulun nia hodi realiza nia mehi hodi ho modalidade ne'e hamorin tan Timor nia naran ba Mundo!

Keep following your dreams... and I believe with your determination you will be not just another Serena Williams but THE KERRY GALHOS! And Timor-Leste will support you always! 

Obrigada barak ba maun-alin Timor oan tomak nia tempo no biban lee historia ne'e (nudar moral support) nebe'e hau la konsegue hakat liu no considera interessante tebes, liuliu, ba ita nia joven foin sae sira, atu banati tuir. Lesson learnt: NEVER GIVE UP, no matter what if you fall just stand up keep it up and carry on! 

Liafuan ikus husi ami nia dadalia, alin Kerry desafia timor oan sira nebe iha vocacao ba desporto atu labele lakon tempo no la desiste iha luta. Ho fiar no convicção Kerry hameno: "Hau desafia ita bo'ot nebe'e iha talento desportivo. Haka'as aan no estuda maka's, labele husik oportunidade ida iha oin liu deit, Experiensia ida nebe'e Ita bo'ot sei la arrepende! Tamba Timor precisa ita hotu!"

Boa Sorte Kerry!

Dalia Kiakilir
Oxford, 17 Janeiro 2016

7 comentários:

  1. Istoria furak tebes,,,bele motiva foinsae sira hodi atinji ita nia mehi.

    ResponderEliminar
  2. Obrigada wain hatutan historia kmanek ida nee.
    Fiar katak ho ninia couragem e boa vontade bele halo mehi furak liu tan iha nia talento professional
    Muito parabens ba Kerry e ida nee sai motivasaun diak foinsae sira iha ita nia nia rai doben.

    ResponderEliminar
  3. Parabens Kerry, apresia tebes ba O ho familia tomak nia esforsu atu bele sai realidade. hau sei lembra bainhira halo intervista ba kerry iha programa CPA nian "Talentu" iha neba hatudu O iha komitmentu dunik...

    espera katak loron ida maluk sira CPA sei loke fali filme documenter ne para tracking kerry nia profile..

    Boa sorte e Abracos

    ResponderEliminar
  4. Furak tebes lee historia kerry nian, hanesan Timor oan sente orgulho tebes ho kerry nia esforsu nebe duni tuir mehi nomos promove ita nia tai doben Timor no bele sai mos exemplo e coragem forte ba foin sae timor oan tomak hodi servisu makas no estuda makas hodi bele realiza mehi.

    Parabéns kerry
    Timor sempre suporta
    A luta kontinua
    Viva Timor Leste!

    ResponderEliminar

Publicação em destaque

"ÉS VIVA"

"És viva" A todas as mulheres Estás triste, Estás só Porque ninguém te fala Porque ninguém te liga Ninguém quer saber d...