Ami Uluk, Ami Nia Mehi, Ami Ohin Loron Ba Inan Doben Timor Lorosa’e

Kuitadu Inan Doben Timor Lorosa’e, 

Iha ami nia terus, O koko subar no fo han nafatin ami

Iha ami nia terus, ho laran kman, O husi ami sadere nafatin 

No hodi hatan ami ho o-nia riku soin

Iha ami nia terus, O halibur nafatin ami 

Maski iha sira balun nega matak O hanesan Pilatus, 

O lia fuan maka katak, “imi hotu hau-nia oan doben”.

Ikus mai, hafoin ho O nia domin, forsa, fe no bensa 

Ita husik an husi hamta’uk an hasoru inimigu boot, 

Ne’ebe sunu, hamaran no koko halakon Inan Nia laran Kmanek, 

Ikus mai, ho inan nia domin no riku soin

Koko atu tane ami hamutuk nafatin hodi fo moris no domin mai ami, 

Maibé, ho hahalok aat, ami hatan ba inan nia liberdade hodi

Haterus malu, hana’ok malu, , hakiak malu 

Nega atu fo fali domin ne’ebé inan hatudu, 

Ami laran kanek wa’in, ami fuan taridu, ami neon lametin,

Basa ikus mai, Inan Doben Timor Lorosa’e, “ami mesak egoista tan tanan de’it, 

Ami hakarak de’it ba ami nia kanten, ami nia diak halo ami nia matan delek, 

Ikus mai inan, ami duni maka sei sofre konsekuensia ba ami nia lala’ok no sai rasik ami nia lalatak aat. 

Ami inan doben Timor, hamutuk ho ami funu balun husi tasi balun, 

Ami hanoin kala ami hadiak, maibe ami haterus

Ami hanoin kala ami hariku, maibe ami hakrekas

Ami hanoin kala ami hamoris, maibe ami hamate

Ami hanoin kala ami haburas, maibe ami hamaran

Hirak-nee maka ami nia lala’ok, maibe laíha ema hanoin no halo hirak nee. INAN DOBEN TIMOR, SA MAKA TENKI AMI ATA SIRA HALO LOOSSSSSSSS??????????????

Seba Guterres

in Dili Timor