Xanana Versus "Lia Nain Sira"

Xanana Versus "Lia Nain Sira"

Kay Rala Xanana

Ohin Xanana ema Politico, Xanana, Xanana, Xanana. Xanana iha ne'e, Xanana iha neba, Xanana halo ida ne'e, Xanana halo ida neba.

Ema barak ohin loron gosta temi Xanana nia naran, dehan ida ne'e, dehan ida neba.

Uluk Xanana funu-na'in ka guerrilheiro, ema barak mak haluha ona katak uluk, Xanana iha ne'e, Xanana iha neba, Xanana halo ida ne'e, Xanana halo ida neba, Xanana iha fatin hotu hotu. "O omnipresente"!

Xanana agora ema político ida, defende nia politica. Iha rai laran politicos barak no partido ko'or oin-oin. Makerek. Ida-idak defende nia politica, consequencia mak mosu apoiantes nebe mak concorda ho politica nebe mak sira hanoin diak liu ho hare ko'or nebe mak sira gosta liu. Haktuir sira nia convicções políticas ou ideológicas.

Tamba ne ma'ak barak apoio Xanana no seluk defende politica sira nian.

Buat ketak ne'e mak funu-na'in ka guerrilheiro la hanesan ho politico ida, nebe opera iha ambito ho terreno la hanesan. Maibe barak la hatene ka simplesmente ignora.

Wainhira problema ida mosu, primeiro alvo mak Primeiro Ministro, no se mak Primeiro Ministro agora? Xanana mak Primeiro Ministro, nia mak Ukun-nain.

"Lia na'in sira" dehan katak defende lia los, no kontra lia bosok. "Lia na'in sira" mos dehan katak defende justiça, no sei la defende ema nebe nauk.

Maibe, iha realidade, sira rasik mos la defende principio nebe sira comunga wainhira halo afirmasaun sem interpreta ka buka tuir issue ne'e los ka lae no muito menos la buka hatene lae lia los nebe mak dehan sira defende. Falta de objetividade halo ita ka "lia na'in sira" fiar matak deit ba informasaun nebe mak media sira  fo sai. Ho litik itoan karik ita mos sei questiona fundamento informasaun nebe media sira hato'o nebe iha tendencia provocativa no mos joga ho interesse economico-politico. Alias "fa'an informasaun". 

Ne la'os defende lia los, ne defende ego. Ego nebe mak a'as liu fali lia los, halo sira matan delek no laiha interesse ba causa/consequencia nebe los, motivo saida, ita la hatene. Ba balun, joga ona ho interesse,  karik?!?!!!!!

Ego la fanun justiça, ego baralha, rungu-ranga no manipula justiça. Lia los no realidade mak fanun justiça.

Ukun-nain reconhece falha barak iha sistema judicial, Ukun-nain reconhece iha corrupção iha rai laran, Ukun-nain mesak la consegue controla ema sira nebe serviço ba iha governo no nem controla crime uluk iha primeiro governo.

Se Ukun-nain sira cria injustiça no se Ukun-nain sira comete crime, ita so hein resultado ikus husi acontecimentos oinsa?   A justiça tem o seu tempo próprio e ha-de chegar um dia destes! Aguardo!

Justiça ohin loron funciona ona, bele la ho lais maibe funciona. La'os hanesan fofoun iha primeiro poverno justiça la la'o, governo desorganizado. Resultado, crise politica, resultado governo monu.

Iha Portugal deit ema foin mak kaer EX PRIMEIRO MINISTRO, Jose Socrates, tama ba cadeia, e Portugal país nebe mak avançado liu quanto mais Timor foin ukun a'an tinan 12.

Xanana, Xanana, Xanana.
Xanana la desiste, se nia desiste nia mate kleur ona,

Xanana luta ho matenek, usa Frente Diplomatica, Clandestina no Armada,

Xanana tuba rai metin, povu resiste, Timor manan.

Tamba ne'e mak ohin ita livre, tamba ne'e mak ohin ita kaer rasik kuda talin Ukun Rasik An!, hodi pronuncia ita nia liberdade no hakilar ba mundo katak "TIMOR MAK NE'E"!

Ema ida dehan mai hau: "DESISTIR É MORRER" maibe "ITA RESISTE no ITA MANAN", "RESISTIR É VENCER"

Dalia Kiakilir Agostinho

22 Novembro 2014