HARE HIKAS PATRIOTISMO CONSTICIONAL (Jürgen Habermas dehan Verfassungspatriotismus) HO DOCENTE ANICETO GURO-BERTENI NEVES NIA ÓCULO (Parte 3 - Hotu)

 MARTINHO GS GUSMAO

HARE HIKAS 
PATRIOTISMO CONSTICIONAL
(Jürgen Habermas dehan Verfassungspatriotismus) HO DOCENTE ANICETO GURO-BERTENI NEVES NIA ÓCULO 

(Parte 3 - Hotu)

---

Iha artigo ikus ne’e hau hahu ho liafuan belun docente AGB: “Iha edisaun ida ne’e, ha’u evita atu uza sitasaun artigu sira Konstituisaun RDTL, tanba asuntu ne’ebe belun-diak kestiona ne’e iha faze prosesu ‘by means’ (method, process), maibe ha’u uza ‘goals/objective’ nudar baze ba ha’u nia argumentu. Tan belun-diak kestiona nia prosesu, maibe ha’u aprofunda de’it rezultadu”. Iha ne’e mak problema METODOLOGIA nia hun no abut. Ho liafuan simples, hanesan viagem ida karik hau hare “estrada” (curva, subida, descida), belun docente AGB hare liu mak “terminal”. Hatur fali iha politica, ida ne’e mak metodologia Maquiavélica nebe fiar ba “goals justified means” (tujuan menghalalkan cara).

Hau hili Nicolau Lobato nia “PRINCÍPIO JUSTO, METODO CORRECTO”. Hau sai husi debate Rawls versus Habermas, hodi fila oin ba debate Habermas versus Hans-Georg Gadamer (Cf., J. Habermas, “Zur Logik der Sozialwissenschaften”; H.G. Gadamer “Rhetorik, Hermeneutik und Ideologikritik. Metakritische Erörterungen zu Wahrheit und Methode”). Atu hatene klean liu, hare hau nia livro Martinho G. da Silva Gusmão, Hans-Georg Gadamer: Penggagas Filsafat Hermeneutik Modern yang Mengagungkan Tradisi, Kanisius: Yogyakarta, 2013. Iha livro ne’e hau ko’alia konaba “hermenêutica” husi sikun filosofia MODERNA, no iha biban hanesan hau hare “fenomenologia” TRADIÇÃO. Husi ne’e, hau sei fiar nafatin katak fenomenologia hermenêutica mos METODOLOIGIA ida, tan ne’e mak hau gosta tebes liafuan “principio justo, método correcto”. Ne’e katak laos deit “goals/ objective”, maibe mos “means” (process). Iha politica moderna, dala ruma mosu liafuan “POLITICAL CORRECTNESS” hanesan los Nicolau Lobato dehan “politicamente correcto”, “correcção política”, ka “justeza da luta”. Ho ida ne’e, ita bele hare lisuk CULTURA DEMOCRATICA nudar “... an evolving process, never complete, always open to new additions and perspectives ...” (Cf., Edith Kurzweil & William Philips, Our Country, Our Culture: Politics of Political Correctness, 1994: 15).

Liu husi PRINCIPIO JUSTO, MÉTODO CORRECTO, hau hakarak hatan pontos 5 nebe belun diak docente AGB hatur nuda pontos critico ba hau ...

1. Partido Politiku iha Parlamentu Nasional no Prezidente Republika

Hau labele nega, katak, ABG ninia “cara” hatur factum (ka, fakta hukum) ne’e atu serbi de’it ba ninia “goals/ objective” atu defende VIII Governo, “a tudo custo”. Se ida ne’e mak ninia posição, hau respeita.

Maibe, problema wainhira ko’alia konaba hau nia perspectiva hasoru PR nia “veta” ba OGE 2019, hau hare AGB halo manipulação hermenêutica. Iha nebe? Hare ba, hau usa caso veta OGE 2019; hatutan ba hadau malu posição PPN atu questiona Prof. Pedro Bacelar Vasconcelos ninia “integridade académico”. La questiona PR nia decisão. Iha caso veta OGE 2019, Maun Boot Xanana Gusmão ho nia alin Taur Matan Ruak kala selu maka’as “jurista de serviço” (nia liafuan rasik), tan ne’e nia explica ho dalan manipulativa regra constitucional. Hau hakerek ona artigo iha www.forum-haksesuk konaba “patriotismo constitucional” atu hatudu katak professor ida ne’e “bias”, maibe liu-liu halo “pensamento ideológico”. Iha filosofia marxista liafuan “pensamento ideológico” katak kebohongan ideologis. Iha fali caso hadau kadeira PPN, kala Xanana Gusmão la usa ona nia depois ba hili fali Prof. Jorge Bacelar Gouveia ne’e mak nia kala laran moras hodi dehan “É certo que há sempre juristas de serviço para confrontar as pretensões frustradas das partes desavindas com a invocação prodigiosa de incompetências fantásticas inconstitucionalidades”. Hau la hare Pedro Bacelar usa CRDTL atu confronta Jorge Bacelar. Nia usa de’it ninia fantasia rasik.

Maibe, wainhira konaba Aniceto Guterres hadau kadeira husi Arão Noé, nia kokotek fali dehan “As democracias constitucionais IMPÕEM O DIÁLOGO E A CONCERTAÇÃO ENTRE OS ELEITOS, titulares dos órgãos de soberania”. Oinsa mak bele hare ka compreende katak Fretilin, PLP no KHUNTO ba “hadau” de’it, prepara tiha ona Jornal da Republica hodi publica molok “sholat maghrib” no PR decreta kedas iha loron tuir mai ne’e “impõe o dialogo e a concertação entre os eleitos” (???). Ka, belun docente AGB hanoin katak importante mak KADEIRA PPN iha ona Dr. Aniceto Guterres nia liman, la importa (tidak penting) “dialogo” ka “concertação”, importante liu mak “asserta” kadeira (???), wualahuallaam, ne’e Dr. Aniceto Guro-Berteni deit mak hatene!

Hau mos la convencido katak PR veta OGE2019, tan CNRT-PLP-KHUNTO halo ameaça atu sunu Dili. Maibe, se PR Lu-Olo mak “bisu-bisu” (AGB nia liafuan) iha hau nia tilun, hau rona deit ona. Nafatin deit, hau nia belun AGB hakarak hare de’it oinsa mak defende VIII Governo, ne’e duni la cuidado didiak atu hare hau nia argumento laos contra PR, maibe hasoru Prof. Vasconcelos nebe manipula regra constitucional – “superior a maioria absoluta (“dois terços”). Hau hakerek artigo atu defende PR no hatudu hermenêutica legal konaba texto constitucional.

Hau nia opinião konaba Tribunal de Recurso nebe “indefere” bebeik CNRT nia petição, katak, TR nia “naha todan demais”. Juiz sira iha neba la iha “coragem” atu foti “competência constitucional e eleitoral” (CRDTL artigo 126) nebe hatur ona iha Supremo Tribunal da Justiça (STJ) nia knar; knar nebe TR mak halao hela. Laos juiz sira nia sala de’it, maibe ita hotu nia responsabilidade. TR usa fali “processo civil”, no lakohi foti ka taka matan ba “processo” constitucional ho eleitoral ... nune’e saida deit mak CNRT husu, JUIZ sira subar hotu no falun metin aan iha liafuan “problema politica laos juridica”. Hare to’ok televisão sira iha Indonesia, wainhira “sidang sengketa konstitusi dan pemilu”, ne’e sidang terbuka!!! Juiz sira mai husi Hukum Tata Negara, Hukum Administrasi Negara, Politik Hukum ... advogado, pakar IT, pakar perdata, pakar pidana. Hau la hare katak decisão TR nian hodi fo beneficio ba Fretilin ne’e “vitoria final” ... historia hakerek katak ita ESTADO FALHADO. Ida ne’e mak hau nia posição, hau ko’alia iha televisão no hakerek artigo.

Konaba “viabiliza VIII Governo”, hau dehan deit: “lips service”. Na verdade, hau sente liu “jebakan” husi Fretilin ba PLP ho KHUNTO atu hatun CNRT. Keta haluha, VIII Governo monu la’os CNRT mak hatun maibe Partido Fretilin. Iha Comissão C, Fretilin “vota contra” ona; CNRT sei husu atu hadi’ak. Maibe, PM halo plano metin ona atu “raut osan” (iha campanha, General Taur Matan Ruak dehan “hamutuk atu kokir sai hotu osan”), la tuir sistema gestão orçamento no finanças. Taur Matan Ruak taka matan deit mak ba. Iha Generalidade, CNRT “abstein” nafatin, Fretilin “contra” nafatin. resultado votação: “13 a favor” (KHUNTO ho PLP), “14 contra” (Fretilin 12 + 1 PD + CNRT). Ida ne’e “processo”. Maibe, AGB ho PLP hare de’it resultado katak orçamento chumbado, sala mak CNRT.

Maibe, pergunta nebe hau halo ba AGB – Oinsa mak bele mosu katak PR “estuda lai” konaba formação IX Governo (CNRT, KHUNTO, PD, PUDD, UDT, FM) durante Estado de Emergência (I), depois iha Estado de Emergência (II) nia laran PR “lulus lalais” kedas no “cum laude” tan iha decisão hodi hamoris hikas VIII Governo, la too loron tolu tuir doutrina sarani nian maibe horas tolu deit karik? Tanba saida mak Partido Fretilin usa nafatin liafuan “viabiliza” no la’os forma governo foun tuir regra constitucional katak “Aliança Maioria Parlamentar” (CRDTL artigo 85: d) no foti Primeiro Ministro husi “partido mais votado” (CRDTL artigo 106)? Iha ne’e, hau halo tan pergunta – tan sa mak TR decide lalais kedas katak KHUNTO sai ne’e mak formação IX Governo labele lao? Ne’e “politica” ka “juridica”?

Iha ponto ida ne’e hau dehan, PR hakarak duni atu hatun Xanana Gusmão ho CNRT. Dr. Lu-Olo taka matan ba Constituição nudar “regras da democracia pluralista”. Tan de’it nia la gosta Xanana no CNRT, nia soe tiha “means” (process), hodi ba deit “goals” (objective) – Partido Fretilin tenki ukun “a tudo custo” (dengan segala cara). Maski la tuir ona regra constitucional mos, Lu-Olo hakarak deit Fretilin mak ukun. PRINCIPIO JUSTO, METODO CORRECTO iha nebe los?

2. Destituisaun meza PPN: hadau poder/ golpista no laos Patriota

Dala ida tan, wainhira hau nia belun docente AGB hili uluk ona “goals”, hakarak la lakohi “means” tenki tuir. Hau sente isin-fulun hamrik wainhira hau nia belun, perito iha ciência social (dala ida tan hau alergi ho liafuan “traballador siensia sosial”), bele lori tama fali principio IUS CURIA NOVIT (juiz mesak de’it mak hatene lei)? Hau nia pergunta – molok juiz foti decisão, se arguido ne’e sofre disabilidade mental ... nia husu psicólogo ruma nia parecer ka nia foti decisão mesak? Juiz ruma hakarak foti decisão konaba agressão física, tiru mate ... nia husu lai forensik no balística ka juiz foti kedas decisão tan hare ema kanek no bala borus? Belun AGB ninia resposta kala mak ne’e – importante mak “goals”, la’os “means” (process). Se hau la sala, iha código penal mundo tomak, sempre fo fatin ba “provas” husi “perito” (bukti ahli). Ne’e duni, hau rejeita totalmente conceito IUS CURIA NOVIT.

Video hatudu momos, katak, Fretilin+PLP+KHUNTO nia deputado sira mak sarkele uluk sae ba riba meja. CNRT defende. Ida ne’e “facta hukum”. Wainhira aplica IUS CURIA NOVIT ... juiz ba kaer deit ona deputado sira violento ne’e! Resolve. Hau nia pergunta ba belun diak docente AGB – “ius curia novit” ninia noção konaba principio “universalidade” maibe mos hakait ba principio “aplicabilidade” oinsa mak too agora juiz ba husu deit fali oras Aniceto Guterres eleito no oras Arão Noé hakerek carta? Uluk, iha 2017, hau rona katak tuir lolos CNRT+PLP+KHUNTO atu sae ba hadau de’it no duni sai Aniceto Guterres! Nune’e, PR mos la iha tan ona possibilidade atu convoca “Eleição Antecipada”. Maibe, Vice-Presidente PN, António Verdial mak dehan “tauk sobu sasan lulik”. Agora? Resposta: “situação la hanesan”! PRINCIPIO JUSTO katak hakarak ka lakohi Aniceto Guterres tenki sai PPN; nune’e METODO CORRECTO mak hamutuk ho PLP no KHUNTO atu hadau, dudu deputado CNRT nian nebe defende “Kadunan Povo Nian”.

Nudar eis comissario iha CNE, iha tinan 6 nia laran hau halo pesquisa barak no hakerek livro 5, artigo 39 no seminário internacional 5 (painel 3, moderador 1, key note speaker 1), sai observador internacional konaba DIREITO ELEITORAL. Maski hau la ba escola iha faculdade de direito, maibe hau estuda mesak liu husi “means” (process) to’o “goals” (objective). Iha CRDTL dehan momos katak “cultura democrática ... respeito ... pelas instituições DEMOCRATICAMENTE ELEITAS sejam a sua BASE INQUESTIONAVEL”. Agora, problema mak “eleição democrática” ne’e lao oinsa? Iha standard Internacional dehan – “FREE AND FAIR ELECTION”. Tuir sasukat Indonesia nian karik dehan “JUJUR DAN ADIL” (jurdil). Atu hare iha pratika, ema sei fihir tuir sira nia “administração eleitoral” (acta, candidatura, boletim de voto, escrutínio, apuramento, testemunha, legalização no seluk tan)! Maski ida ne’e halo iha PN nia laran mos, regra ida ne’e la lakon. Hare to’ok, iha nível ONG local to’o nacional mos ema hotu hatene ona saida mak eleição ne’e “livre e justo” (free and fair; jujur dan adil). Rejim Orde Baru General SOEHARTO de’it ho ninia GOLKAR de’it mak bele “menghalalkan cara demi tujuan”.

Hau hanoin PATRIOTA ne’e ema sira nebe hare UMA FUKUN ne’e hanesan fatin LULIK; bele dehan “templo sagrado da democracia”. Labele hadau sasan sira iha “uma laran”. So ema nebe defende sasan uma laran ne’e ema diak; sira be hadau sasan ne’e ema aat. Ne’e tuir CULTURA Timor nain. Maski Partido Fretilin “canta vitoria”, hamutuk ho PR Lu-Olo no Sekretariu Jeral Mari Alkatiri; General Taur Matan Ruak ho profeta falso Naimori Bukar maibe POVO nia fuan kanek no tanis.

3. Borja da Costa, Nicolau Lobato & Karl Marx versus Naimori Bukar – KHUNTO

Wainhira hahu Revolução Maubere 1974, Borja da Costa hakerek poema dehan “susu ita rai bokur// ita isin bokur”. Nicolau Lobato hateten, hari’i Rai Timor halakon tiha “exploração do homem pelo homem”. Borja da Costa dehan iha “palavra nativa”; Nicolau Lobato hatoo ho “terminologia” marxista.

Ema hotu hatene katak KHUNTO mai husi KORKA. Maibe, KORKA ne’e ninia “pusat” iha Indonesia. Naimori Bukar nakfilak KORKA ba “ritual tradicional”, halo nia aan sai tiha “profeta falso” hanorin doutrina oi-oin no juramento falso. Hatene ona katak nia domina tiha ona povo kbiit laek sira ho “terrorismo mental” tauk lulik no ran, ikus mai fila tiha ba KHUNTO. Liu husi partido ida ne’e mak Naimori Bukar “faan kadeira” hanesan los faan SDSB ba ema nebe hakarak selu osan, nia buka “jabatan”. Naimori Bukar hetan husi VIII Governo lubuk ida ona! Husi sira mak nia halo cobrança: Ministro selu hira ba nia, Vice no Secretario de Estado, Deputado/a, Direitor ... too “cleaner” mos cobra hotu. Cobra mohu nian kedas. Iha AMP foun ka IX Governo nia hetan nafatin kadeira 10 nia Governo. Maibe, ba Naimori Bucar ... ne’e “capital” la too. Nune’e, wainhira Partido Fretilin ho PLP bele fo ba nia 15 kadeira iha VIII Governo, nia fila lalais kedas. Tan Naimori Bukar sura ona “capital” hira mak sei tama tan!!! Nia la interesse, Fretilin ho PLP dehan “beik ten”, la sibuk liu se nia fen Armanda Berta le texto deit mos labarik SD sei diak liu ... la importa! Hanesan belun diak AGB dehan, “goals” (objective) mak importante! Agora nia fen hetan tiha Vice ba PM Taur Matan Ruak, ... nia husu sae tan ba 17 kadeiras. Ida ne’e mak Marx dehan PHARISAICAL CAPITALIST – katak ema nebe moe la iha ona, karau kulit mos sei mihis atu taka oin, hodi “terang-terangan” manipula Partido husi “tibak no bou capital” ba “cofre privado”. Hau temi tan liafuan “ERSATZ CAPITALISM” (capitalismo falso), tan Naimori Bukar sai riku liu husi “faan kadeira” ... iha kedas Lu-Olo nia matan laran, iha kedas Alkatiri nia oin no iha kedas Taur Matan Ruak nia kaliber nudar General nebe hakarak “hakoi” sira.

Los duni, AGB dehan hau nia artigo la hare ba “lacuna teórica” Karl Marx nain. Hau hatene! Durante fo kuliah iha ISFIT Fatumeta, hau hatudu ninia lacuna liu “Frankfurt Schule” hanesan Max Horkheimer, Herbert Marcuse, Theodore Adorno, Walter Benjamin to’o J. Habermas; liu husi teoria Economia Social de Mercado Ludwig von Misses nian, no ikus-ikus ne’e hau tuir Ernst Bloch, Georg Lukács, Karl Korch to’o António Gramsci. Iha Indonesia, hau aprende barak husi Romo Franz Magnis-Suseno SJ, Romo Y.B. Mangunwijaya ho Romo Sindhunata SJ.

Se hau explica “lacuna teórica” karik ba mos, level hanesan profeta falso Naimbori Bukar ho Vice PM Armanda Berta atu compreende saida? Maibe, hau hanoin, ita hotu nebe sai académico (ka, “traballador siensia sosial”) sa tan hanesan UNTL nebe level universidade estatal, labele ona taka matan ba situação ida ne’e. Lamentavel tebes, wainhira AGB la hare katak, KHUNTO ne’e mak halo “lacuna teoria” Marx nian sai luan liu tan, naruk liu tan.

Quase hanesan sani novel Don Quixote (autor Cervantes) wainhira hare saida mak mosu iha PALACIO NICOLAU LOBATO: fo poder nudar Vice PM, lori tan knaar MSSI ba Senhora Doutora Armanda Berta ... ba simu pelantikan husi Presidente da Republica Dr. Francisco Guterres Lu-Olo nebe simu Armanda Berta ho respeito máximo, marca mos presença ho orgulho mak Sheikh Mari Bim Amude Alktiri nudar Sekretariu Jeral Partido histórico Fretilin ho Jeneral Taur Matan Ruak nudar Presidente PLP no Primeiro Ministro; liu-liu ho solenidade tomak, assiste husi Dom Naimori Bukar. Lu-Olo, Alkatiri no TMR haksolok. Povo mak hakruk laran todan, fuan laran moruk los.

Hau dehan kedas tan, KHUNTO ne’e laos partido nebe hatene “cultura democratica” no “democracia pluralista”. Hau hanoin, PGR ho PNTL hamutuk ho CAC ho CNE mak halo investigação, KHUNTO hari’i nudar partido ida maibe moris nudar “crime organizado” ida. Ka di’ak liu tan belun AGB bele fo hanoin konaba IUS CURIA NOVIT ba ita nia órgão judiciário sira.

4. FRETILIN, Mari Alkatiri & Krizi 2006-2007

Hau nia resposta simples de’it – hau la iha problema pessoal ho Dr. Mari Alkatiri. Iha 2006 – 2007, hau confronta bebeik ho Maun Mari iha jornal. Ne’e problema politica. Uluk, wainhira sei Frater iha Malang, hau hakerek livro hamutuk ho maluk Fr. Jovito Araújo, Fr. Mouzinho Lopes, Fr. Marçal Dias, Fr. Germano Gusmão – Menantikan Lorosae: Peziarahan Gereja Katolik Bersama Masyarakat Timor Timur (1997). Hau defende buat ida – Mari Alkatiri maski Islam mos luta ba ukun rasik’aan. Timor Timur ne’e multicultural no inter-religioso.

Maibe, saida mak PM Mari Alkatiri halo iha 2005 ne’e mak muda hau nia visão tomak ba nia. Hau iha Roma, acompanha deit Demonstração Igreja Católica nian husi dok (ami delegado Fretilin nia oan ne’e laran rua hela). Sorte boot, iha Roma hau hela ho maluk sira husi Brasil, Angola, Moçambique, Guine-Bissau, Cabo Verde ho São Tome e Príncipe. Hau iha belun padre ida husi Nampula, ida tan husi Maputo. Hare saida mak mosu iha Dili, maluk ne’e dehan “... não deixa Timor-Leste caiu como é no caso Moçambique com FRELIMO”. Husi Roma, hau ba foti curso balun iha Jesuit Hall, Oxford. Iha neba hau hasoru Prof. Peter Carey ... nia fo Maun Mari nia entrevista ida iha Lisboa ba hau atu le. Hare entrevista ida ne’e, hau ran la halai ... oinsa mak líder ida ba hatun fali ninia povo rasik? Ba hau, minoria ida mak racista fali mos aat mak ne’e.

Iha 2010, hau hetan privilegio boot atu “facilita” FORUM MAUBISSE. Inciativa mai duni husi Maun Mari liu husi conversa ho Bispo Baucau nian (2008). Lori tinan tomak, 2009, hau hetan confiança husi Bispo atu “design” Dr. Mari nia ideia ne’e hodi sai concreto liu tan. Husi ne’e mak hau hasoru Mari “face to face” dahuluk. Hau sente, nia ema diak no iha visão nebe claro. Iha preparação ne’e hau mos halo sorumotu ho sira seluk: Eng. Mário Carrascalão, General Taur Matan Ruak, Maun Luis Guterres, Maun Fernando Araújo La Sama, Maun Ramos Horta ..., ikus liu mak Maun Boot Xanana Gusmão. Ho Avo Xavier hau hasoru barak liu iha Lecidere no Marabia. Saida mak Avo Xavier dehan ba hau, no saida mak belun AGB hare husi vídeo – completamente diferente – hanesan loron ho kalan. Los kedas Avo Xavier nia liafuan ba hau, hau hatene momos kedas caracter Dr. Mari Alkatiri nian iha Maubisse duni. Hau hakerek kedas ho “tinta mean” iha hau nia kakutak laran.

Hau fiar duni, se la lori Maun Boot Kay Rala Xanana Gusmão mak resolve situação, FORUM MAUBISSE rahun hotu kedas. Ema nebe hanoin aat sobu DIALOGO mak Maun Mari Alkatiri duni. Iha sorumotu dala rua – faktor nebe halo aat mak Mari Alkatiri nafatin. Hau dehan ba Abilio Araujo, hatama Mari Alkatiri ba FRETILIN ne’e ne’e sala boot no “pecado grave” nebe Abílio Araújo halo iha historia. Hatama Alkatiri ba DIALOGO iha Maubisse (I-II), hau arrepende totalmente.

Iha 2008 hau ba participa centenário Muhammadyah iha Yogyakarta. Hau hetan convite nudar “embaixador inter-religioso” Timor-Leste, lori PM Xanana Gusmão nia naran. Dala ida tan, hau ba hamutuk ho Mari Alkatiri. Politicamente ami la konek maibe pessoalmente ami diak ba malu. Hau hakfodak wainhira Dr. Din Syamsudin dehan, “Romo Gusmão, kami mohon agar Gereja Katolik tidak melakukan diskriminasi terhadap politisi Muslim di Timor-Leste”. Hau nonok deit, doko ulun. Tinan tuir mai, iha Manila hau ba participa tan iha Asian Conference of Religions for Peace (ACRP), Dr. Din dehan tan dala ida. Hau explica didiak tiha katak ami la iha problema konaba religião hasoru Protestante ka Islam. Mari Alkatiri ne’e hau hare hanesan fundador partido Fretilin, partido “mais votado” hela deit, maibe nia laos partido Islam nian. Se Alkatiri dehan nia representa “minoria Islam”, hau hanoin nia harii partido mesak deit ona, no lalika ona tabele ba Fretilin.

Bele dehan, “ponto de viragem” (titik balik) mak iha 2015, wainhira Mari Alkatiri dehan HAU MAK FUNDADOR ESTADO, no borong hotu katak FRETILIN ho FALINTIL nia mak hari’i hotu. Maibe, ida ne’e mos momento “excepcional” – husi ne’e mak hau halo “investigação” klean no luan konaba FRETILIN, FALINTIL no oinsa mak LUTA ba INDEPENDÊNCIA. Hau descobre momos no lolos kedas se mak NICOLAU LOBATO, XAVIER DO AMARAL, BORJA DA COSTA, SHA’A NA NA ... hanesan mos se mak Mari Alkatiri, Ramos Horta, Abílio Araújo, Mau Lear, Bie Ky Sahe, Mau Kruma, Gui Araújo, Muki Bonaparte, José Luis Guterres, ... hau ko’alia hotu ho F.X. Lopes da Cruz ho Domingos de Oliveira, João Carrascalão ho Mário V. Carrascalão.

Hau bele dehan deit buat balun – (1) FRETILIN la iha “fundador”, maibe “legado” no “continuador”, maski liafuan “FRETILIN” ne’e Borja da Costa mak iha “hak cipta” maibe nia la nakratak’an dehan “fundador”; (2) husi documento no discurso politico hotu nebe iha, sura de’it mak Nicolau Lobato, Xavier do Amaral, Borja da Costa ho Sha’a Na Na ... Manual no Programa Politika FRETILIN ne’e mai husi Abilio Araujo, correspondência internacional ne’e Ramos Horta mak halo; ... mobiliza massa ne’e Sahe ho Mau Lear; (3) FALINTIL [naran husi Borja da Costa] ne’e Nicolau Lobato mak lidera reunião iha Aisirimou no hakerek ninia declaração; no ikus liu (4) wainhira hari’i ESTADO NAÇÃO, Nicolau Lobato mak decide no Xavier do Amarla mak proclama; Artur do Nascimento Budu mak design bandeira RDTL ...!

Hau la iha problema wainhira belun AGB halo ona investigação nebe la hanesan ho saida mak hau hetan. Liberdade de expressão. Importante mak iha nível académico ita labele lanu tuir contaminação partido. Laos ema hotu bele halo PARTIDO, maibe ema hotu bele halo POLITICA. Hau bele deit simu buat ida Dr. Mari Alkatiri mak “fundador” ba Partido Fretilin iha 2000; molok ida ne’e hadau tiha ona posição ne’e husi Jose Luis Guterres iha Sydney Australia. Ne’e deit mak hau hatene.

Los duni, Dr. Abílio Araujo dehan Mari Alkatiri mos fundador ASDT. Maibe, documento nebe hau hetan iha Lisboa (simu mos husi F.X. Lopes da Cruz iha Jakarta) hatudu momos iha diferencia boot tebes husi naran sira nebe halo sorumotu iha 12 de Maio de 1974 no publicação iha 24 de Maio de 1974. Hau mos hetan documento ida – “ESTATUTO ASDT” –husi autor ida ho código F.B.C. Husu ajuda ba belun diak, carissimo amigo docente no traballador siensia sosial iha UNTL atu ita rame-rame halo investigação klean liu tan.

Hau taka ho liafuan husi São Paulo nian be dehan, “Tornei-me então vosso inimigo, ao dizer-vos a verdade?” – Apakah dengan mengatakan kebenaran kepadamu aku menjadi musuhmu? – (Galatas 4, 16).

 MARTINHO GS GUSMAO