IMAJEN no AKONTESIMENTU
We are proud to release in this market the first lines of fragrances Buibere for Her and Maubere for Him. Together with glass handcrafted gifts perfect for Christmas.
BEM VINDO E OBRIGADO PELA VISITA!

segunda-feira, 28 de abril de 2014

La’o Hamutuk Precisa Ita Bo'ot

Vaga Servisu

La’o Hamutuk
Institutu ba Monitor no Analiza Dezenvolvimentu iha Timor-Leste

Atualiza iha Marsu 2014

La’o Hamutuk organizasaun sosiedade sivíl Timor-Leste ne’ebé independentemente halo monitoramentu, analiza no halo relatóriu kona ba instituisaun prinsipál sira iha Timor-Leste ne’ebé iha relasaun ba dezenvolvimentu fíziku, ekonomia no sosiál Timor-Leste nian. La’o Hamutuk halo advokasia katak povu mak sai autór prinsipál ba foti desizaun kona ba prosesu ida nee, ne’ebé tenke ekuitavel, sustentavel, demokrátiku no transparente.

La’o Hamutuk servisu iha area boot balu: Dependensia ba Petroleum, Ekonomia, Agrikultura, Governasaun no Demokrasia.

Informasaun kompletu liu kona ba La’o Hamutuk no nia publikasaun sira, inklui Buletin, deklarasaun no relatóriu anuál, bele hetan iha www.laohamutuk.org. Atu le'e informasaun kona ba ema husi li'ur hakarak servisu hanesan voluntáriu ka estajiadu iha La'o Hamutuk, hili iha ne'e.

Oras ne’e ami buka ema sira ne’ebé iha kualidade ba peskiza atu servisu iha Dili no halo servisu balu iha distritu sira.

Ami enkoraja liu feto sira atu aplika.


Deskripsaun servisu

Peskizadór ida-idak halo peskiza no relatóriu kona ba impaktu husi sistema internasionál no organizasaun, governu, no instituisaun seluk ne’ebé ativu iha Tim Timor-Leste. La’o Hamutuk organizasaun la-iha ierarkia nune’e membru staff hotu responsabiliza ba programa no servisu administrasaun, no desizaun halo liu husi konsensu. Tanba ne’e, peskizadór hala’o mós atividade administrasaun no logistiku iha organizasaun nia laran, inklui servisu hamutuk ho staff sira seluk no órgaun konsellu atu dezenvolve no implementa planu no servisu organizasaun nian.

Ami presiza ema ho
  • Esperiénsia servisu kona ba dezenvolvimentu internasionál no/ka peskiza ba polítika, ho kapasidade atu aprezenta no hakerek rezultadu ho klaru
  • Iha komitmentu maka’as hodi dudu prosesu dezenvolvimentu ida ne’ebé demokrátiku, partisipativu, sustentavel, ekuitavel no transparente
  • Esperiénsia nudár aktivista polítiku no/ka advokasia direitu umanu
  • Esperiénsia no koñesimentu kona ba area monitoramentu ne’ebé temi iha leten
  • Kapasidade atu hakerek no ko’alia iha lian Ingles no Tetum, ho hakarak atu sai profisiente. Di’ak se bele Portugés
  • Forte iha organizasaun no iha abilidade komputadór
  • Kapasidade atu servisu hamutuk ho kreatividade iha kontestu ho kultura oi-oin
  • Komitmentu hodi fahe abilidade no ajuda ema seluk atu dezenvolve ninia kapasidade
  • Koñesimentu no komprensaun kona ba istória no polítika iha Timor-Leste
  • Esperiénsia hela no servisu iha nasaun foin dezenvolve-an; prontu no bele moris ho simplisidade
  • Saúde fíziku no mental di’ak
  • Iha komitmentu servisu mínimu tinan ida iha La’o Hamutuk.
Ami oferese

La’o Hamutuk organizasaun ki’ik maibé iha espíritu servisu maka’as; ami nia staff servisu hamutuk iha ekipa ho asuntu ne’ebé la hanesan. Staff lokál no internasionál iha responsabilidade no simu kompensasaun ne’ebé hanesan, inklui saláriu 600 US$/fulan, ho asuransi saúde no osan aluga uma bazeia ba nesesidade. Ba staff internasionál, iha osan mós ba viajen mai no fila husi Timor-Leste no ajuda ho osan bainhira fila ba ninia rai.

Kontaktu

Aplikasaun bele hatama bainhira de’it no sei hetan konsiderasaun wainhira ami simu, favor anexu:
  • Karta aplikasaun ne’ebé esplika tanba sá ita boot hakarak servisu ho La’o Hamutuk
  • Kurikulum Vitae ne’ebé esplika antesedente (background) edukasaun, esperiénsia servisu    profesional no voluntáriu
  • Ezemplu kompozisaun kona ba prosesu dezenvolvimentu iha Timor-Leste, naruk pájina 2-5
  • Informasaun kontaktu husi referénsia na’in rua.

Aplikasaun bele haruka ba ofisiu La’o Hamutuk nian iha Bebora, Dili, ka ba info@laohamutuk.org. Informasaun liu tan kontaktu +670 3321040.

The Timor-Leste Institute for Development Monitoring and Analysis (La’o Hamutuk)
Institutu Timor-Leste ba Analiza no Monitor ba Dezenvolvimentu

Rua dos Martires da Patria, Bebora, Dili, Timor-Leste
P.O. Box 340, Dili, Timor-Leste
Tel: +670-3321040 or +670-77234330
email: info@laohamutuk.org   
Web: http://www.laohamutuk.org   
Blog: http://laohamutuk.blogspot.com

Sem comentários:

Enviar um comentário