BEM VINDO E OBRIGADO PELA VISITA!

domingo, 29 de abril de 2018

BLUNDER POLITIKA Partido Fretilin halo ho efeitu ba Eleisaun


1. Ataka KRXG ho TMR. Laos fundador, laos figura save, no la organiza klandestina. Loos MB rua la funda duni ASDT ho Fretilin, mb sira rua funda CNRM ho CNRT nb hakoak ema hotu hodi lori TL ba ukun an liu husi referendum 1999. Depois Prezidenti Nicolau Lobato mate sira mak sai figura save, hamutuk povu ho igreija. Foto sira nian, sai materia importante iha demonstrasaun. Desizaun funu, unidade ho paz lidera ho trasa husi MB KRXG. Tb nee mak Komandante Lere dehan hau nian ibun lulik atu debate ho MB KRXG.

2. Klaim katak igreija ho Bispu sira pro PF. Realidade la iha nota pastoral hodi justifika klaim nee. De facto Amu Bispu Baucau dezmente nee hodi hatoo pozisaun Igreija netral, la suporta partidu ida. Tuir Amu Bispu Baucau hateten "se mk klaim igreija pro partidu ida, nee laos bosok deit maib bosok kompletu. 

3. PF hakarak halo mudansa ho kombate korupsaun. Nee signfika tenki hahu no la bele repete halok koruptu sira nebee ladiak. Maibe realidade atetude PF la suporta deklarasaun nee. Kareta ho kombustivel estadu lori ba halo kampanye. Nunee mos lao kampanye iha loron servisu uza perdiem. Mobiliza profesional saude halo servisu iha baze iha periodu kampanye nebe indideretamente halo kampanye iha loron servisu no uza rekursu estadu. Nunee mos instrumentaliza ho politiza funsaun funsionariu publika. Buat nebee lo'los la bele halo tanba nee hahalok koruptu, Tuir etika politika, ho boa governasaun, ema sira tuur iha pozisaun publiku hanesan PM, Ministru/Vise Ministru ho Sekretariu Estadu tenki "cuti" ka lisensa no husik kargu publiku temporariu hodi halo kampanye durante periodu kampanye, mb realidade lae. DR MA ho ministru sira kaer metin pozisaun publiku nafatin hodi halo asaun partidariu. Nunee uza rekursu estadu hodi benefisia interese politika partidariu ho interese privadu. Oinsa ita hakarak halo mudansa ho kombate korupsaun, se ita nian hahalok rasik hatudu abuzu poder no uza rekursu estadu ba interese partidu ho privadu. 

4. Iha kampanye 2017 PF uza soft strategy ho kampanye nebee foka ba programa ho buka hakoak ema hotu. Nunee La agresivu, la serang nian adversariu politika, no la temi milisi ho otonomi. Adegium kampanye popular liu PF nian mk "Fretilin manan, Xanana manan". Mb realidade Fretilin manan mb Xanana lakon. DR MA ho DR JRH "obriga" PR Lu Olo dissolve PN, maski sira hatene hela katak governu monu tanba programa la pasa iha PN, PR hatudu fali Aliansa Maioria Parlamental (AMP). AMP la konsege forma governu mak PR dissove PN, no bolu eleisaun antisipada. PR la halo tuir nee, buat nebee PR Lu Olo deklara rasik iha video nebee viral ona. PR halo tuir DR rua mb indireitamenta halo "traisaun" KRDTL ho MB Xanana nb suporta makas hodi Lu Olo hetan PR. Iha fatin seluk, PPN DR Aniceto Guterres uluk hakilar makas too kokorok uat atu sai hotu hodi kontra PPN anterior DR Vicenti Guterres hodi obriga tuun husi kargu PPN tb lakon konfiansa, kredibilidade ho moral husi membru PN. En kontrariu PPN Aniceto Guterres rasik kontra nia an ho halo moe nia an. Tuir etika politika ho boa governasaun PPN tenki organiza plenaria mb DR nee la halo tb lakon fuan boot. Buat nb DR Vicenti Guterres ho Dr Adriano Nascimento halo ho fuan boot ho simu hodi lakon pozisaun PPN ho VPPN tb manuver politika husi partidu sira inklui PF. Oinsa ho adegiun politika, PF manan, Xanana manan? Oinsa hametin nasaun direitu demokratiku, se KRDTL no rejimentu PN rasik ita viola? Nee mk dehan "air madu dibalas dgn air tuba". Agora PF uza hard strategy hodi ataka adversariu politika hodi dehan Xanana laos figura sentral rejistensia, la organiza klandestina, governu Xanana tinan sanulu la halo buat ida, stipula ema sira kritika sira hanesan tebeledor, otonomi ho milisia. Impresaun katak ema sira iha PF mk lutador, no seluk lae. Nee blunder boot ida tb iha eleisaun, PP buka votu ba ukun, laos halo skrin ho sertifikasaun veteranu. Hahalok sira nee deit iha tendensia viola KRDTL, no nee haruka sinal ba votante katak lider PF susar kaer metin sira nian lia fuan. Se Xanana deit sira halo hanesan nee, sa tan ema baibain, aat liu tan ema eis otonomia. Se dezenvolvementu rasik lao hela, iha progresu, inklui ZEEMS, maski iha mos limitasaun balu mb iha kampanye ita nega buat nb halo hamutuk. Hahalok ho stipulasaun sira nee hatudu katak politika rekonsiliasaun, hakoak ema ho kumpri valor non diskriminavu iha nasaun direitu demokratiku foin too deit iha nivel persepsaun ho deklarasaun politika, maibe sedauk internaliza tomak iha asaun politika.

5. Deklara no stipula katak AMP la iha programa. Mb realidade AMP iha programa. AMP iha PED 2011-2030 nudar vizaun naruk hodi lori povu ho nasaun ba oin. Nunee mos governu anterior iha programa nb elebora husi PED 2011-2030. Programa sira nee mk PF ho VII Governu kopia mos barak. Ikus mai AMP iha plata forma politika ho programa nb dezenvolve detailu laos deit kobre dezenvolvimentu iha nivel nasional mb mos akresenta programa per munisipiu. Vizaun ho programa boot AMP nian mk dada kadoras gas mai TL hodi estimula kresimentu ekonomia non minarai, diversifika rendimentu, hamosu oportunidade ba Timor oan hodi domina kuinesimentu ho teknolojia ho kriasaun servisu rihun ba rihun husi spin off (multiplier effect) kadoras mai TL. Nee mk sira bolu soberanu ekononia, hodi hakompletu soberanu politika. 

6. Lider PF duun Xanana halo peregrinasaun iha liur uza osan estadu. De facto Xanana halo servisu boot povu ho nasaun nian hodi negosia no hakotu FM. Tinan hirak liu ba povu inklui joven ho estudante halo demonstrasaun barak nebee involve ema barak iha embaisada Australia hodi suporta Xanana hodi lidera no negosia FM. Xanana kumpri fiar ka konfiansa povu ho nasaun. Nian ba Indonesia, Australia, EUA, Europa, Malaysia ho seluk tan hodi halo negosiasaun no buka suporta husi nasaun seluk. Nian laos ba halo peregrinasaun mb nian lori vitoria FM ba povu ho nasaun, buat nebee hanesan mehi no nudar milagre boot ba TL. TL nudar nasaun kiik maibe nian forsa no kredibilidade boot tebes iha mundu tb lideransa Xanana bele halo vitoria hasoru Indonesia ho Australia. Nunee mos paz ba mundu hanesan Afrika Central, Guinea-Bissau nebee ONU ho nasaun doador sira rende tiha ona hodi halo inisiativa hodi hadame. MB KRXG konsege fo dame. Prosesu hamusu dame iha entre Timor oan ho Timor oan, Timor oan ho Indonesia, Australia, nee model ho konseitu dame nebee aprosimasaun husi fuan ho kultura. Hare problema ho konflitu nuda ema laran, no tuur hamutuk hodi rezolve problema nudar parte integrante ema laran. Laos ema liur nebee dita sira nian konseitu ho obriga parte konflitu simu tuir sira nian konseitu. Modelu dame, dialogu, rekonsiliasaun, hamutuk, ho dame nee sai konseitu ho modelu ida nebee matenek nain iha mundu buka aprende hodi dezenvolve sai teoria rezulasaun konflitu no negosiasaun entre nasaun kiik ho nasaun boot. Lee Kuan You nudar lider nasaun kiik ida lori Singapura mundialmente sai respeitadu ekonomikamente, no MB KRXG lori TL nudar nasaun kiik ida mundialmente respeitadu politikamente, no sei iha track ba halo progresu ekonomia, karik hetan oportunidade halao nian mehi sira nee.

Blunder politika sira nee bele iha efeitu politika boot tebes ba PF. Gosta ka la gosta programa mudansa status quo nebee sai arma PF nian hodi ataka AMP sai tumpul tanba lider ho ema PF sira nian hahalok aat liu fali status quo nebee sira hakarak muda nee. Klaim buat ida nebee estratjiku no probalidade bele efitu positivu ba PF, hanesan klaim igreija suporta PF, maibe depois amu sira nega, nee pukulan telak, no la benefisia kampanye PF. Duun MB KRXG halo peregrinasaun, mb de facto lori vitoria FM ba povu ho nasaun hodi hametin soberanu politika, no bele tulun haforsa soberanu ekonomia. Buka redus influensa MB KRXG ho MB TMR iha luta iha tempu okpuasaun, maibe nee hanesan "senjata makan tuan", tanba povu ho Timor oan hotu sei sai sasin moris. Iha politika se mak halo blunder, sei mosu konsekuensia politika. Hare tok kazu Governur Ahok, nian populer tebes, elektabilitas la iha tandingan, maibe tb halo blunder politika kiik ida, ema blow up, nian lakon.***
Dili 29 Abril 2018

Sem comentários:

Enviar um comentário