BEM VINDO E OBRIGADO PELA VISITA!

quinta-feira, 3 de maio de 2018

CNRT Hakribi Korupsaun, Tan Nee CNRT Hari CAC

Presidente CNRT Kay Rala Xanana
Partidu hotu hotu hakribi no luta kontra korupsaun. Indikador ba nee haree ba saida mak kada parridu halo ona ba kombate korupsaun iha nasaun nee.

Partidu CNRT, liu husi IV to VI Governu halao ona politika importante lubuk ba kombate korupsaun. CNRT nia politika importante no sai save bot ba kombate korupsaun iha paiz nee mak kriasaun COMICAO ANTI CORUPCAO (CAC) iha tempu IV governu neebe CNRT mak kaer no lidera

CAC hari atu halao knar kombate korupsaun, husi prevene to prosesa koruptor sira ba tribunal. Liu husi IV to VI governu neebe CNRT mak lidera no kaer, CNRT mos hari no haforte kriasaun instituisaun inspeitoria geral iha nivel nasional no nivel kada ministeriu, ho objektivu prevene korupsaun iha estadu nia instutuisaun tomak.

Durante tinan 10 governasaun neebe lidera husi CNRT, CNRT mos suporta no halao eaforsu lubuk ona haforte knar no kapasidade institusaun judisiariu sira, husi miniteriu publiku to tribunal sira hotu. Nia objektivu ida mak hatur kbit forte ba instituisaun judisiariu ba prosesa kazu korupsaun sira.

Tamba nee sala bot no propaganda falsu deit kuandu iha parte ruma ka balun, no liliu partidu sira neebe kompete ho CNRT no ho AMP ba eleisaun antesipada 12 de maiu oin, dun partidu CNRT no AMP (cnrt nudar membru ida husi AMP) koruptor.

Se koruptor, tansa CNRT tenke hari fali CAC no inspeitoria geral no ministerial sira durante tinan 10 CNRT kaer no lidera governu ?

Se CNRT koruptor, tamba sa mak sira neebe dadauk nee tama kadeia tan kazu korupsaun, domina fali husi sira neebe laos militante no laos lider CNRT ?

Foti husi Rui Viana
https://www.facebook.com/abukayv/posts/10217801090165337

Sani mos artigos relacionados:


Sem comentários:

Enviar um comentário