Housi “Estado Falhado” ba “Patriotismo Constitucional”

Housi “Estado Falhado” ba “Patriotismo Constitucional”
*) Hili hikas ra’is oan ruma husi Mestre Memensio Sequeira Freitas nia artigo rua

Iha media ida, Mestre Memensio Sequeira Freitas husi Escola Secundaria Pública Olocasa, Ossu (Viqueque) hakerek artigo rua: “Prezidente Lú-Olo Falla? So What & For What!” (hau assesso iha internet 20 de Maio de 2020; 21:23 otl) ho tan “Tetu Dasin Hamutuk Hanoin Balun kona-ba ‘Lú-Olo nia Patriotizmu Konstitusional’ ...” (hau acesso iha internet 3 de Junho de 2020, iha 20:49 otl).

Hau tenki dehan lai buat ida – katak, hau haksolok tebes hare mestre ida husi Escola Secundaria no husi área rurais hakerek artigo ida, hatan ba hau nia pensamento filosófico. Ida ne’e formidável. Sa tan iha zona wainhira analfabetismo intelectual sai ona hanesan moda foun husi grupo ki’ik ida nebe hakerek comentário barato iha facebook. Iha duni mestre ida-rua nebe le tiha hau nia artigo, depois halo comentário hanesan bibi-diuk nebe hamrik iha estrada klaran, kareta/ motor liu mos nia bibi lao la liga rai. Ba hau, mestre Memensio derepente husik mensagem boot ida katak “voz da área rurais” sei iha. Maski nia hato’o pensamento la hanesan ho hau, maibe buat nebe hau sura liu mak mestre ida hakerek. Hanesan ne’e, hau sente hakerek la saugati tan hetan ona “companheiro intelectual” ida hodi sai “pastori di popoli” – bibi atan povo nian (Cf., Aristoteles, Etica Nicomachea VIII, 13, 1161a14). Nudar sarani, mestre Memensio mos hatudu virtude fiar na’in ida, katak “Não temais as suas ameaças, nem vos deixeis perturbar, mas no intimo do vosso coração, confessai Cristo como Senhor, sempre dispostos a dar a razão da vossa esperança a todo aquele que vo-la peça; com mansidão e respeito, mantende limpa a consciência, de modo que os que caluniam a vossa boa conduta em Cristo sejam confundidos, naquilo mesmo em que dizem mal de vós” (1Pedro 3, 14-16). Ho liafuan badak – nudar fiar na’in hau ho mestre hakarak fo sasin konaba ESPERANÇA (la’os optimismo mamuk) husi FUAN LARAN maibe hato’o ho CONSCIÊNCIA nebe mos, matak malirin.

Mestre Memensio hakerek artigo rua. Hau le didiak tiha, hau hetan pontos tolu nebe hau hakarak bolu leitor sira nia atenção, mak (1) konaba “factualidade” [Habermas dehan “Faktizität”] nebe ita hetan iha instituições jurídico-político iha Timor-Leste hanesan PR, PN, Governo no Tribunais; (2) tetu hikas “opções” políticas nebe PR husik ba Povo tomak atu hein, depois hein mak hein, hein bebeik PR; no (3) fila hikas ba “patriotismo constitucional” nebe hau hato’o nudar solucao ba “patina política” nebe Povo tomak hasoru tan “silencio magno” PR nian.

FACTUALIDADE: ESTADO FALHADO

Iha artigo no entrevista sira, hau dehan katak ita sai husi ESTADO FRAGIL hodi tama ba ESTADO FALHADO. Konaba Estado Frágil, hau halo debate barak iha televisão no hakerek hodi desvela saida mak g7+ (associação estado frágil) nian nebe Timor-Leste mak patrocínio. Hau fo hanoin bebeik, katak, wainhira ita fiar demais ba conceito “Estado Frágil” no la buka solucao iha “rai-laran”, loron ruma ita sei monu tama iha “Estado Falhado”. Hau hanoin, hahu husi 2017 to’o 2020 wainhira Dr. Francisco Guterres Lu-Olo haknar’aan nudar Presidente da Republica, ita tama duni iha “Estado Falhado”.

Hau concorda perfeitamente ho saida mak mestre Memensio dehan, no hau sita “Há’u-nia hanoin, karik estadu ne’e hakat ba dalan falladu karik, la’ós Lú-Olo nia RESPONSABILIDADE mesak. Ita-nia Estado opta sistema semi prezidensialitas, iha ne’ebé ita iha Ógaun Soberania haat Estadu nian no ida-idak ho nia knaar no kompetensia rasik, tuir Konstituisaun haruka”. Descrição nebe Mestre fo (1-5) hau la iha objeção (penolakan). Hau concorda hotu. Nune’e, hau ho Mestre simu lia-ida katak Presidencia da Republica (laos Presidente da Republica mesak), Parlamento Nacional (laos PPN mesak), Governo (la’os PM mesak) no Tribunais (laos PTR mesak) mak hola RESPONSABILIDADE. Sira mak “pilares democracia” – hanesan ai-rin haat (4) nebe tane “UMA FUKUN” Timor-Leste ne’e hamrik metin. Wainhira ai-rin 1 mak tohar, uma hali’is kedas. Wainhira ita la hadi’ak lalais, ai-rin sira seluk la tahan ... ita nia uma namtate hotu kedas. Hau hanoin hamutuk duni ho Mestre, katak laos PR Lu-Olo mesak mak hola responsabilidade maibe mos PPN Arao Noe (agora PPN haksoit tama Dr. Aniceto Guterres), PM General Taur Matan Ruak (no VicePM madame Armanda Berta) ho PTR Dr. Deolindo dos Santos.

Maibe, sai problema boot wainhira Mestre dehan, – “Se Prezidente Republika la aseita pedidu demisaun, ne’e tanba Prezidente iha ninia PODER POLITIKA RASIK atu simu ka la simu, laiha ema ida mak bele OBRIGA nia atu aseita”.

Iha ne’e Mestre propositadamente (secara sengaja) no quase brutalmente halo rahun tiha relação intimo entre RESPONSABILIDADE ho OBRIGATORIEDADE. Keta halo mestre Memensio hanoin katak PR Lu-Olo ne’e mai ho “gaya” Liu-Rai Ossu de-Cima karik? Lae! Iha historia monarquia antiga, Ossu-de-Cima simu rota husi Luka. Sira hakruk ba Luka. Uluk ne’e reino Venilale-Fatumarto (agora Bercoli) mak foti oin no foti liman hasoru Luca. Timor-Leste la’os Ossu, laos Venilale, laos Bercoli. Mundo tomak hatene katak “A República Democrática de Timor-Leste é um Estado de direito democrático, soberano, independente e unitário, baseado na vontade popular e no respeito pela dignidade da pessoa humana” (CRDTL artigo 1, nº. 1). Husi ne’e hau hakarak fo hanoin filosofia básica husi ita nia Estado nebe halo katak Dr. Lu-Olo tenki hola RESPONSABILIDADE no hatudu ninia OBRIGATORIEDADE, hanesan tuir mai:

1. “Estado de direito democrático” – katak, constituição no lei mak sai sasukat kdasar, “rota” forte liu atu “obriga” PR. Democracia nebe Timor-Leste hili mak obriga PR atu hakruk, laos “monarquia” (“liu-rai bein” sira mos la ukun mesak, maibe hamutuk ho kbahen no lia-nain sira). Significa, PR hatene no banati tuir CONSTITUIÇÃO tomak! Laos artigo ida ka rua, maibe tomak!

2. Timor-Leste ne’e mos “soberano, independente e unitário”. PR labele halo tuir nia hakarak rasik maibe hakruk ba “soberania” Povo nian; tane metin rai ne’e nudar “independente” tan Povo mak luta (la’os Lu-Olo mesak); no “unitário” husi Lospalos to’o Oe-Cusse, Tutuala ba Jaco, Tasi Feto no Tasi Mane ... la’os Luca ba Ossu-de-Cima, sa tan to’o deit iha Venilale-Bercoli.

3. “Vontade popular”, katak Lu-Olo sai PR ne’e liu husi “eleição democrática” – Povo maioria mak hili nia. La’os nia rasik mak hakarak ba tur iha Ai-tarak laran. Ne’e duni, Povo nia moris naruk ka Povo nia mate badak mak OBRIGA Senhor Presidente ida ne’e atu foti decisão. Sa tan, manan tiha “Kadunan Povo Nian”, senhor Presidente foti JURAMENTO hodi tur iha Kadunan Povo Nian ho liafuan, “Juro por DEUS, pelo POVO e por minha HONRA, cumprir com a lealdade as funções em que sou investido, cumprir e fazer cumprir a CONSTITUIÇÃO e as LEIS e dedicar todas as minhas energias e capacidades à defesa e consolidação da independência e da unidade nacionais”. Ne’e duni, Dr. Francisco Guterres Lu-Olo hakarak ka lakohi hakruk ba nia HONRA rasik, tan MAROMAK no POVO mak OBRIGA nia atu halo tuir ninia JURAMENTO rasik. Laos juramento falso iha Ramelau hemu ran nebe hahu lanu ona sira nebe obriga povo kbiit laek sira.

4. Ikus liu, “respeita pela dignidade da pessoa humana”, ne’e katak la iha ema ida mak bele OBRIGA ema seluk atu halo tuir nia hakarak. Maibe, PR hakarak ka lakohi tenki halo tuir POVO nia lian.

Sa tan mestre Memensio dehan Dr. Lu-Olo uluk nudar Presidente AC, nia mak lidera hakerek CRDTL, nia hatene buat hotu. Tan sa mak nia la iha fali OBRIGAÇÃO atu halo buat hotu? Hau mos hanorin bebeik konaba Lei, no kaer metin principio básico dehan, “Lex est quaedam rationis ordinatio ad bonum commune, ab eo qui curam communitatis habet, promulgata” (Summa Theologia, I-II, 90, 4). Katak, lei ne’e rasik mak OBRIGA tuir ordem husi razão hodi halo diak ba ema hotu (bonum commune), liu-liu ba ema sira nebe hetan KNAR hodi tau matan ba comunidade, wainhira lei ne’e PROMULGA ona. Wainhira PR promulga tiha lei ida, depois lei nee rasik la obriga nia, nune’e ema hotu mos lalika hakruk ba Constituição no lei.

Keta haluha, PR ninia COMPETÊNCIA fahe ba– (1) “competência própria” [artigo 85]; tuir mai (2) “competência quanto a outros órgãos” [artigo 86]; ikus liu (3) mak “competência nas relações internacionais”. Atu halao knar hirak ne’e didiak, PR mos iha órgão colegial ida nebe tulun nia – “Conselho de Estado” (artigo 90-91). Ho ida ne’e hau hakarak hatudu katak PR LA IHA PODER POLITIK RASIK, maibe simu kbiit no beran tomak husi CONSTITUIÇÃO nebe sai fukun ba Timor-Leste. Halo nusa ba mos PR Dr. Francisco Guterres Lu-Olo la simu “rota” husi Luka, maibe simu Kadunan Povo Nian husi CRDTL.

OPÇÕES “TABRAK TEMBOK”, ALTERNATIVA “MAMUK”

Hau ho mestre Memensio sei hare hamutuk nafatin OPÇÕES 1, 2, 3 nudar algo ba “patina politica” nebe mosu iha 2017-2020 ne’e. Hau hakerek artigo 3 ka 4, halo mos entrevista iha televisão konaba assunto ida ne’e, hau dehan OPÇÕES “TABRAK TEMBOK”, ALTERNATIVA “MAMUK”. Balun gosta, balun la gosta.

Mestre ninia comentário mak nune’e, “Desizaun ka opsaun ida ne’e mosu la’ós puramente ideia mesak hosi Lú-Olo hanesan Prezidente da Repúblika, maibé opsaun hirak ne’e mosu hosi enkontru meza redonda entre líder sira no karik rezumu hosi enkontru anteriór sira ho entidade barbarak. Bele dehan opsaun tolu ne’e nu’udar opsaun koletivu hosi partisipante sira enkontru nian. Prezidente Repúblika pronunsia de’it sa’ida mak líder rezisténsia sira hakotu hamutuk iha sira-nia reuniaun magna ida-ne’e. Karik maun boot Xanana Gusmão marka prezensa, bele iha karik mós opsaun seluk aleinde opsaun tolu ne’e. Maibé infelizmente maun boot hili atu la marka prezensa, nune’e ita hotu tenke hela de’it ho opsaun tolu ida ne’e. La iha tan opsaun seluk!”.

Ida ne’e mak problema nia fukun funi! PR fo tiha OPÇÕES 1, 2, 3 ... maibe nia la prepara ALTERNATIVAS. Maibe, mestre Memensio ninia hanoin katak presença Xanana Gusmão nian mak sai fali factor determinante; liu tan, ausência Maun Boot nian mak sai fali hanesan situação “infeliz”. Bele ka lae, ita dehan Xanana mak ALTERNATIVA? Lae!

Tuir hau nia analisa, OPÇÕES 1, 2, 3 ne’e brilhante. Hau hatene ida ne’e wainhira iha dalan fila husi rai-liur. Buat nebe hau quase la fiar hau nia matan rasik no tilun rasik, wainhira PR fo tiha sasukat hirak ne’e, nia rasik la hili ida. Significa PR la hakesi ninia’aan ba OPÇÕES 1, 2, 3. Tanba saida? Mestre Memensi fo resposta nebe kman los, “Prezidente Repúblika PRONUNSIA DE’IT sa’ida mak líder rezisténsia sira hakotu hamutuk iha sira-nia reuniaun magna ida-ne’e. KARIK maun boot Xanana Gusmão marka prezensa, bele iha karik mós opsaun seluk aleinde opsaun tolu ne’e”. Oh!? Ninia ligação ho Presidente Lu-Olo ninia PODER POLITIKA RASIK (Mestre nia istilah) monu lakon tiha ba nebe? PR fo tiha mata-dalan mak “sei estuda lai” ka nia estuda tiha ona, “tamat” tiha ona mak hatur OPÇÕES 1, 2, 3 ...?

Hau la rejeita argumento nebe Mestre Memensio hato’o: tan OPÇÕES 1, 2, 3 husi ida-idak nia hamrik fatin. Hau hare husi hau nia oculo rasik nudar analista, Mestre hare husi ninia matan nudar defensor publico PR nian.

Maibe, iha aspecto ida nebe hau nunca dehan sai, agora hau dehan ... katak OPÇÕES 1, 2, 3 ne’e la mai husi CONSELHO DE ESTADO, órgão nebe tuir lolos PR rona no foti decisão. Ho respeito tomak ba LIDER RESISTENSIA nia qualidade no legitimidade, sira la iha “legal standing” (legalidade). Nune’e hau concorda ho saida mak Mestre nia liafuan dehan katak, PRONUNSIA DE’IT. Lalika hakesi’aan tan PR iha ninia PODER POLITIKA RASIK. To’o iha ne’e PR mos la iha obrigação atu rona MAUN BOOT Kay Rala Xanana Gusmão.

Agora hau nia pergunta, tanba saida mak PR la prepara kedas ona ALTERNATIVA? Hau hanoin, ema barak mak lakohi hare assunto ida ne’e! Grupo ki’ik oan ida, “sumbu pendek”, kakutak “patina” mak gosta insulta no tolok, maibe sira la hare katak hau foti problema iha ALTERNATIVA nebe PR la preparado. Iha assunto ida ne’e mak hau dehan PR Lu-Olo FALHA. Hau hatoo agradecimento ba Mestre nia pensamento critico, nune’e hau bele hare hetan hau nia falhanço – katak, hau mos la explica didiak saida mak ALTERNATIVA.

Ba hau, líder ida sa tan LIDER MAXIMO hanesan PR tenki iha OPÇÕES (hau hare 1,2,3 ne’e brilhante), wainhira “PATINA” karik, nia buka “dalan seluk”. Hau hare, ALTERNATIVA ne’e hanesan “rencana cadangan”.

Exemplo boot liu mak hanesan Naimori Bukar, conselheiro máximo KHUNTO nian, gabung futuro IX Governo, nia hetan kadeira 10 husi Xanana, hamutuk ho PD, PUDD, UDT ho FM. Jura mate jura moris, jura falso jura ran ba Xanana katak “Maun Boot ne’e mak aswain Loromonu nian”. Ema hotu “tauk” mak PD ninia posição, fiar metin los KHUNTO nia lealdade, quase hanesan “martíria” nebe metin los ba Xanana. Husi ne’e nia sura ona, hira mak nia sei “raut” no “kokir mos” (General Taur Matan Ruak nia liafuan iha “campanha eleição antecipada”) osan. Maibe, derepente Partido Fretilin hamutuk ho PLP bele “gia-loi-loi” fo 15 kadeira. Ne’e katak “opsaun” la folin ona, nia haksoit lalais tutur ninia kadeira sai husi Bairro dos Grilhos, lao tesik mak Bairro Formosa, liu ba Ai-Tarak laran hodi too iha Fatuhada, agora fila mai Metiaut tur mara-maran. Hein maka hein, hein 17 ... maibe hau rona mak 7 deit. Hau la hare ida ne’e mak dehan VIABILIZA VIII Governo, maibe hau sente iha Ossu karik dehan “governo umu-suma gali lapu”.

Hau hanoin, Dr. Francisco Guterres Lu-Olo kaer metin ka subar metin iha liafuan “estuda lai” proposta husi CNRT, KHUNTO, PD, PUDD, UDT no FM hanesan “alternativa” hodi lakohi decide konaba OPÇÕES 1, 2, 3 nebe PR rasik mak halo hodi foti solução. Resultado, PR husik IX Governo ne’e “karantina” loron 60 nia laran, ikus mai PR halo “abortus provocatus” ba futuro Governo nebe líder husi Maun Boot Xanana. Hatene ona katak “labarik” mate kabun-laran, PR buka alternativa hili ninia Partido Fretilin ho PLP nebe iha SALA DE EMERGÊNCIA kaer hetan “umu suma” KHUNTO hodi hamoris fali VIII Governo. Maibe, tan VIII Governo ne’e mate-tiha-moris-fali alias “bibi-mate”, to’o agora ita la hare oinsa mak “umu suma” lao tun lao sae.  Hau hanoin, VIII Governo sei sai nafatin “bibi-mate” (epilepsia), kuran la diak ona ... nia sei monu hamrik, hamrik monu too 2022-2023; se lae, iha dalan klaran ba “karantina” fali. PR falha ona, sei falha nafatin.

“PATRIOTISMO CONSTITUCIONAL”

Iha artigo rua nebe Mestre hakarek, fila ba fila mai refere ba Lu-Olo ninia heroismo no patriotismo iha passado, luta iha ai-laran tinan 24 nia laran. La iha ema ida mak questiona FACTUM histórico ida ne’e. Sa tan Xanana mos dehan reconhece Lu-Olo ninia capacidade. Hau la dun satisfeito wainhira Mestre dehan “tamat UNTL deit”. Hau fiar katak iha ensino básico to’o secundário, ema precisa mak MESTRE diak. Iha universidade, ema precisa mak mahasiswa brilhante. Maibe, iha moris loro-loron ema hotu sai mestre, ema hotu sai estudante. Iha ne’e mak ema hotu halo historia moris nian, ka FACIENTES.

Iha artigo hirak liu ba hau hakerek konaba liafuan ida – Historikerstreit (debate husi historiador sira) nebe hahu 1972. Saida mak mestre Memensio hakerek ne’e hatudu oituan konaba “historia” no “historiador” iha Timor-Leste. Atu dehan lolos karik, Timoroan lolos seidauk iha ida mak sai “historiador”. Iha escritor ida mak ohin loron maka’as los, mak Dom Carlos Filipe Ximenes Belo SDB. Nia hakerek historia kona ba Timor. Maibe, nia lakohi temi naran “historiador”.

Iha 2002, Timor-Leste hari’i CAVR. Hotu tiha, mosu CVA/KKP, 2005. Hatan ba relatório CVA nian nebe hakarak hatur “verdade conclusiva”, hau hakerek livro hermenêutica (Yogyakarta 2013), no explica konaba “consciência da determinação histórica” (kesadaran yang berdaya menyejarah). Iha ne’e mak hau halo distinção entre “critico” (filosofia critica) no “tradição”. Iha neba, hau hatudu ba Habermas no Gadamer nia debate konaba “Aufarbeitung der Vergangenheit” – katak hola dalan fila ba kotuk. Molok ida ne’e hau hakerek ona livro ida, reflexão konaba RENETIL ninia luta, “Timor Lorosae: Perjalanan Menuju Dekolonisasi Hati-Diri” (2003), hau hatur pergunta boot ida – “Tan saida mak mak rai boot hanesan Indonesia nebe hanorin kemanusiaan yang adil dan beradab, bele halo Povo Timor terus no tanis, moras no mate barak husi 1975-1999?” Maibe, liu-liu, “Tanba saida mak Portugal ukun ita rain tinan 400 nia laran susu ita rai bokur, ita isin bokur maibe kaer soe hela hanesan tohu kain?” Hakerek tiha livro konaba Nicolau Lobato, Borja da Costa no Xavier do Amaral, hau hahu hetan saida mak hanaran PATRIOTISMO.

Hau nia surpresa boot liu laos livro ne’e rasik. Maibe, liu-liu tan saida mak Partido Fretilin la gosta rona konaba Nicolau Lobato, Xavier do Amaral no Borja da Costa nia liafuan sira? Tanba saida mak, CNRT no liu-liu PLP nia emar srai “boikot” livro ida ne’e?

Liu husi debate ho belun Docente Aniceto Guro-Berteni Neves husi UNTL, no agora ho mestre Memensio Freitas Sequeira husi Escola Secundaria Olocasa, hau hetan ona naroman – hanesan Habermas dehan – “Tendenzwende”. Ne’e katak historia ida los ka sala, depende ba decisão politica “penyandang dana”. Iha momento ida ne’e, ema sira nebe kaer osan la hakarak investe ba “obra intelectual” PIONEIRO sira. Osan barak liu mak fakar ba monumento ka estrada hodi fo naran Nicolau Lobato, maibe hakilar hau “nauk-ten”, “oin projecto”, “bosok-ten” tan hakerek konaba pensamento intelectual Nicolau Lobato, Xavier do Amaral ho Borja da Costa.

Hau hein katak Mestre Memensio mos la tama iha “jalur maut” ida ne’e, hodi promove deit Lu-Olo nia patriotismo. Lu-Olo la’os figura chave iha luta. Nia rasik reconhece, no dehan katak livro nebe hau hakerek ne’e hanesan “monumento boot” ida, “hamoris Nicolau Lobato iha ita nia consciência”.

Iha contexto ida ne’e, liafuan PATRIOTISMO CONSTITUCIONAL la’os problema CONSTITUIÇÃO nudar referencia juridica iha Timor-Leste, maibe consciência konaba historia, tradição no pensamento ba futuro.

Iha 2019, hau hakerek konaba PATRIOTISMO CONSTITUCIONAL atu defende PR Lu-Olo nia decisão konaba promulgação OGE 2019. Ema barak mak “like” no “share”. Hau dehan, tuir Constituição RDLT karik, lolos PR nee veta tiha VIII Governo nia OGE, PN tenki iha voto “exigida a maioria 2/3 ... superior a maioria absoluta” (artigo 88 no. 3). Maibe, Professor Pedro Bacelar Vasconcelos dehan “maioria simples”. Wainhira PR promulga duni, hau dehan Lu-Olo halo “politica da bondade” no laos politica hadau poder. Iha fali 2020, hau aplica nafatin PATRIOTISMO CONSTITUCIONAL atu hatudu katak PR nia decisão hodi hamoris VIII Governo, maski Partido Fretilin “vota mate” tiha ona ne’e hanesan “pelanggaran”. Hau la compreende tan sa mak Lu-Olo baku mate VIII Governo dala rua consecutivo, maibe nia halo moris dala rua tui-tuir malu hodi la hakruk ba CRDTL rasik. Iha caso ikus ne’e Professor Jorge Bacelar Gouveia dehan PR halo duni “violação clara e grave” hasoru CRDTL. Maibe, Professor Pedro dehan “juízes de serviço”, nebe halo deit “fantástica inconstitucionalidade”. Uluk nia “critico” los hasoru PR, tan AMP (Taur Matan Ruak ho Xanana) selu osan maka’as ba nia; AMP ninia media gaba mate los. Agora, nia “critica” maka’as los tan Xanana selu fali Professor Jorge, nia dehan oin seluk fali.

Hau hanoin katak Mestre Memensio nia historia konaba Lu-Olo nia luta durante tinan 24 iha ai-laran la’os justificação atu PR bele halo tuir nia hakarak. Tuir hau nia hare, iha tinan 24 nia laran iha ema barak, liu-liu ema sira nebe luta iha vila laran terus barak no moris todan hanesan mos sira iha ai-laran. Tan ne’e la iha liu razão atu dehan “Prezidente iha ninia PODER POLITIKA RASIK atu simu ka la simu, laiha ema ida mak bele OBRIGA nia atu aseita”. PR Lu-Olo ne’e Povo hili liu husi eleição democrática, no la’os “rota” nebe nia simu husi Ossu-de-Cima ka Luka. Se la iha ema ida mak obriga, di’ak liu lalika sai PR ... hili fali ema seluk nebe hatene ninia OBRIGAÇÃO ukun rai Timor-Leste.

LIAFUAN IKUS

Atu taka, hau foti husi livro hakerek husi Isabel Tavares, titulo “Ramalho Eanes: o último general” (2017), dehan “O nosso problema é a quantidade de pessoas que, em todas as partes do mundo, têm obedecido às ordens dos líderes dos seus governos e têm ido para a guerra, e os milhões que foram mortos por causa desta obediência. E o nosso problema é aquela cena do ‘A Oeste Nada de Novo’ em que rapazes se alinham para marchar de obedientemente em direção à guerra. O nosso problema é que as pessoas são obedientes em toda as partes do mundo, seja perante a pobreza, a fome, a estupidez, a guerra ou a crueldade. O nosso problema é que as pessoas são obedientes enquanto as prisões estão cheias de pequenos ladrões quando os grandes ladrões estão a mandar no país. Esse é o nosso problema”.

MARTINHO GUSMAO

Timor-Leste  06, Junho 2020