Firaku-Kaladi “Fratelli Tutti” (1 – justa hermenêutica): Preâmbulo CRDTL dehan “… desenvolvimento de uma sociedade solidária e fraterna”

FIRAKU-KALADI "FRATELLI TUTTI"
(1 – justa hermenêutica): Preâmbulo CRDTL dehan “... DESENVOLVIMENTO DE UMA SOCIEDADE SOLIDÁRIA E FRATERNA”

 Martinho G. da Silva Gusmão

Movimento Patriotismo Constitucional

Nudar docente iha filosofia política tinan barak ona, dala ida nee hau haksolok tebes ho encíclica foun husi Papa Francisco “Fratelli Tutti” (3 de Outubro de 2020). Ba hau encíclica ida ne’e hametin liu tan “Laudato Sí” (24 de Maio de 2015) no haburs documento “Fratellanza umana” (ka, “ukuwah insani”) nebe Santo Padre Francisco asina iha Abu-Dhabi 4 de Fevereiro de 2019 hamutuk ho Grande Imam Ahmad Al-Thayeb husi Al-Azhar.

“Fratelli tutti” sai kmanek liu tan wainhira ita bele hakait ho liafuan kmook “[…] desenvolvimento de uma sociedade solidária e fraterna” nebe hatur iha Preâmbulo CRDTL nia laran. Iha lorosae ema Makasae sira nia liafuan, “fraterna” ne’e mak hanaran “fi-raku”; Uaima’a dehan “hire-raku”; liafuan “solidária” bele hatudu ba “fi-bada” ka “hire-bada”. Iha ne’e mosu liafuan “FI” (ita) + “RAKU” (maun-alin); hanesan mos “HIRE” (ita) no “RAKU” (maun-alin); “BADA” katak “belun”, “maluk”. Ema balun hanoin katak “firaku” ne’e mai husi liafuan “vira o cu”; maibe depois tau hamutuk ho “hire-raku”, sira hahu mangame ona. Sa tan, ko’alia konaba “fi-bada” ka “hire-bada”, ita la hetan justificação ida husi liafuan português. Ne’e duni, tuir língua nativa “firaku (ka, hireraku)” ne’e hatudu ba “fraternidade”; husi biban seluk “fibada (hirebada)” hatudu ba “solidariedade”. Iha loromonu, ita bele kaer liafuan “kaladi” (ka “ko ro anan” – hare ema nia oan) hodi interpreta liafuan “solidária” ho “fraterna”. Hau fiar katak liafuan “kaladi” mai husi Melayu “kaka + ade” (la iha liu relação ho “calado”, português), hatudu nafatin ba “solidariedade” ka “fraternidade”. Ita sira nebe hanoin katak “firaku” mai husi liafuan “vira o cu” no “kaladi” hatun husi liafuan “calado”, sira ne’e Papa Francisco fo hanoin atu sai husi “colonizzazione culturale” (FT no. 14) – “kolonisasi kebudayaan”.

*****

Iha Laudato Sí, Papa Francisco ko’alia konaba “justa hermenêutica” (LS: 67) hodi hatur oinsa mak Maromak no Rai-Lulik ho Ema-moris halo ba malu; ka, bele mos hahu husi Ema-moris iha Rai-Lulik to’o Maromak. Santo Padre foti husi tragedia Kain-Abel hodi hatudu oinsa mak ema kanten ba poder, hadau meja atu ukun, bele sobu “fraternidade” (LS: 70-71). Hanesan Kain elimina tiha nia alin Abel, Maromak halo kedas “inquérito” – “O nia alin Abel iha nebe?” (Gen 4, 9). Kain hatan santai los, “Hau mak hatene?” ... Ho tragedia ida ne’e, Maromak acusa ita ema nia “indiferença” (cuek; masa bodoh) hasoru ema seluk nia susar no terus, tanis no moras loro-loron nian. Ida ne’e mak dala ida Nicolau Lobato dehan, ita ema Timor ne’e “Oprimido pela indiferença e egoísmo de muitos de seus próprios filhos que, não obstante a responsabilidade tamanha que sobre os seus ombros pesa, fogem mesma responsabilidade e fazem ouvidos de mercador aos gemidos do povo miserável e desdenham oferecer um dedo que seja para o levantar da lama da exploração do homem pelo homem” (Natal 25.12.1974).

Tuir mai, iha Fratelli Tutti, Santo Padre foti parábola husi “bom samaritano” (FT: Cap. II, no. 56-85) atu hatudu saida no oinsa mak “fraternidade” ne’e. Uluk nanain, iha cultura semítica (Israel) ka Antigo Testamento, “maun-alin” ne’e hatudu ba judaísmo deit; ne’e katak laos de’it religião, maibe mos ideologia política, étnica to’o ética Israel nian. Iha Bíblia, liafuan “adelphos”, “adelphè” (husi grego) ne’e hatudu ba maun-alin husi kabun laran ida de’it; inan-aman hanesan, husi “uma kain” ida. Luan liu oituan mak sai “uma fukun” ka suku ida (Gen 13, 8; 14, 14; 29, 15), too boot liu ona mak “nação” ida ho ukun ida (Ez 2, 11; Deut. 25, 3). Sira ho sira mak fo ba malu, halo diak ba malu hodi hatudu sira nia “nacionalismo”. Hanesan ohin loron karik, ita dehan “grupismo”, “familiarismo”, “sukuismo” too “racismo”.

Iha Novo Testamento, Jesus Cristo hanorin katak “fraternidade” (ka, “adelphotès”) ne’e moris wainhira ema hotu hadomi malu tuir Aman Maromak nia hakarak. Nune’e mak ita sarani sira harohan “PAI NOSSO”. Nudar Aman hadomi Nia oan sira, nune’e mos ita hadomi malu hanesan maun-alin, ka “amor fraterno” (ka, “phil-adelphia”) – “Sede afectuosos uns para com os outros no amor fraterno; adiantai-vos uns aos outros na estima mútua” (Roma 12, 10) – “Hendaklah kamu saling mengasihi sebagai saudara dan saling mendahului dalam memberikan hormat” (cfr., 1Tes 4, 9; Hebr 13, 1; 1Ped 1, 22). Liu-liu hakait ba “PÃO NOSSO”, oinsa mak ita fahe buat diak ba malu, fahe ai-han loro-loron nian ba malu.

Iha ita ema fiar na’in sira nia moris (ateu mos hatene), ita hotu kaer metin sasukat ida nebe iha Antigo Testamento dehan – “Aquilo que não queres para ti, não o faças aos outros” (Tobite 4, 15) – Apa yang tidak kausukai sendiri, janganlah kauperbuat kepada siapa pun. Iha Novo Testamento, ita hatene The Golden Rule dehan “... o que quiserdes que vos façam os homens, fazei-o também a eles ...” (Mateus 7, 12; Lucas 6, 31) – Segala sesuatu yang kamu kehendaki supaya orang perbuat kepadamu, perbuatlah demikian juga kepada mereka. Tan ne’e mak Ukun-Fuan Foun dehan – Maromak hadomi Nia Oan, Oan hadomi ita ema atu nune’e ita ema hadomi malu (João 13, 34 – 17, 23). Hodi liafuan badak, “É que toda a Lei se cumpre plenamente nesta única palavra: Ama o eu próximo como a ti mesmo” (Gal 5, 14) – Sebab seluruh hukum Taurat tercakup dalam satu firman ini, yaitu: Kasihilah sesamamu manusia seperti dirimu sendiri!

Se mak hadomi nia maun-alin, hela iha naroman ... se mak hirus nia maun-alin, iha nakukun laran (1Jo 2, 10-11). Ita hatene katak ita sai husi mate ba moris, tan ita hadomi malu hanesan maun-alin ... se mak la hadomi nia mate (1Jo 3, 14). Ema nebe la hadomi nia maun-alin nebe nia hare ho matan, nia labele hadomi Maromak nebe la hare ho matan (1Jo 4, 20). Nune’e, sarani nebe los moris tuir virtude ida – CARIDADE. La halo caridade “fraterna, ne’e katak ema fuik let ida” (3Jo 5).
 
Questão nebe halo ita loke ulun no loke néon atu hanoin mak ne’e – tanba saida mak ita hare malu matan la mos, laran manas ba malu, ran nakali? Liu husi parábola “Bom Samaritano”, Papa Francisco bolu sarani sira nia atenção ba “Abandonado”, ema nebe ita “baku”, “halo kanek” no “soe hela iha dalan ninin”. Iha eleição, partido sira ko’alia konaba “povo terus; ema mukit no ki’ak” ... maibe, kaer tiha ukun, sira tur hakmatek iha fatin no lakohi tun ba base atu ko’alia ka lolo liman netik oituan. Aat liu tan, lakohi tiha hakbesik ba Povo ita luut metin iha Dili laran mak murmuran ho liafuan “caridade falso”, “seminarista falhado”, “teoria da conspiração”, no seluk tan. Papa Francisco hanaran ukun na’in sira ne’e hanesan “sintomas duma sociedade enferma, pois procura construir-se de costas para o sofrimento” (FT: 65) – sintoma sira husi sociedade ida be moras todan, tan buka mak hametin sira nia aan deit hodi fila kotuk ba sofrimento.

Papa hatoo lia-menon katak, “A narração é simples e linear, mas contém toda a dinâmica da luta interior que se verifica na elaboração da nossa identidade, que se verifica em toda a existência projetada na realização da fraternidade humana” (FT: 69) – katak, aiknoik ne’e simples no lao los, maibe mos hatur lalaok husi luta interior nebe hatudu iha dalan atu hari’i ita nia identidade, nebe sei sai lolos iha moris tomak iha realização ba ita fraternidade humana.

Liu husi reflexão konaba “Bom Samaritano”, Papa Francisco bolu ita hotu atu hatur “o próximo sem fronteira” (FT: 80-83). Iha Biblia, ema Judeu sira hare Samaritano sira hanesan ema fuik let, la iha lulik la iha maromak la iha fatin iha rai ne’e atu moris. Jesus Cristo halo “revolução da ternura”, Samaritano mak ba hakbesik hodi tau matan no tulun Judeu nebe kanek todan no atu mate ona.

Ho liafuan badak, “Bom Samaritano” ne’e mak iha Mambae nia lian karik dehan “KO RO ANAN” – hare ema nia oan, tau matan no bali malu.