"Timor-Leste tenki ba Oin" - Nudar feto Timor, mosu perguntas balun 1; 2; 3

Carmen da Cruz

Média fó notícias katak Estrutura Organika VIII reestruturadu ho 44 Membrus Governu + chofer 44 + Chefe Gabinete 44+ chofer + 44 + staff Gabinete political appointment 8 X 44 + Asesor polítiku 44 bele liu... + seguransa 44x2 (kada membru governu hetan seguransa PNTL 2 kompletu ho sira nia kustu operational +kustu viagem lokal kada véz ke membru governu desloka mesmu ke ba fim de semana iha foho). 

Aumenta tan ho Ekipa Téknika nebe sei lidera husi Dr. Rui Gomes ninia kustus operasionais. 

Nudar Feto Timor, mosu perguntas balun iha hau nia ulun ida pikun ona tanba idade no tanba falta konhesimentu akademiku.

1. Númeru rekursus umanus no lojistiku & finanseiru ba tinan 2,1/2 sei lori retornu hira mai TL nomeadamente área restaurasaun  ekonomia nebe estagnadu durante impase polítiku? 

2. Membrus governu  mai husi partidu polítiku hat no Karik balu independente, idaidak ho ideolojia polítika no Konseitu polítiku ba dezenvolvimentu rasik. Dezafius saida mak membru governu sira sei hasoru bainhira konsolida hanoin ba estratejias atu define prioridades no metas   atu atinje iha tinan rua ho balu ?

3. Foti lisaun husi falhansu komunikasaun harmonioza entre Primeiru Ministru no Membru Governu seluk, oinsa ezersísiu no esforsu ho vontade polítika ba hadia komunikasaun aberta hodi la repete erus iha governasaun anterior? 

Nee preokupasaun balun nebe hau hato'o nudar Feto Timor. 

Carmen Cruz 

Dili, 7/6/2020