Reinu Unido aprova quinta-feira ne’e, iha loron 28 de Abril 2022, lei ida ho "pena de prisão" ba tinan 4 ba imigrante sira nebe hela iha Inglaterra "sem visto". Medida foun ne'e sei aplika mos ba imigrante sira nebe tama "ho visto" maibe husi prazo liu ona ka expira. Hanesan barak hetan "holiday visit" VISA maibe durante fulan ne'en la fila ba sira nia rain no deside hela iha Inglaterra sem VISA PERMIT nebe Governo Britanico konsidera hahalok ne ILEGAL tamba Inglatera hakotu ona sira nia relasaun ho Uniaun Europeia iha 30 de Junho 2021.
Desde BREXIT akontese uniko pais nebe Reinu Unido agora dadauk loke odamatan, hanesan "excepção", mak ba ema ukrania ka refugiados ukranian nian tamba funu entre Russia no Ukrania.
Ate ao momento Inglaterra sei laiha relasaun bilateral ida ho nasaun sira seluk no inclusive Portugal, no, nune kualker ema husi nasaun hotu hotu nebe hakarak buka moris iha Inglaterra tenki tuir regras governu nian nebe disponivel iha site GOVERNO BRITANICO. https://www.gov.uk/
Preokupante tebes ohin loron notisia espalha iha media sosial konaba timoroan atus-resin nebe sai ba rai-liur buka moris uza Portugal hanesan "easy destination point" atu tama iha Inlgaterra.
Tuir informasaun site governu britaniku katak ema husi nasaun seluk nebe mak iha direitu atu hela iha UK mak ema sira nebe iha ona Pre no Settle Status kompletu hodi bele sponsor sira nia familia direkta.
VISA ba "low skilled work" la existe ona iha UK, ou seja, servisu "baibain" sira iha loja, restaurante no seluk-tan laiha ona. Atu hatene liu-tan bele buka informasaun iha site governu Britaniku nian.
Obrigada barak!
Notisia "Agora Europa", 28 de Abril 2022
DALIA KIAKILIR
Oxford, 30 Abril 2022
Sem comentários:
Enviar um comentário