IMAJEN no AKONTESIMENTU
We are proud to release in this market the first lines of fragrances Buibere for Her and Maubere for Him. Together with glass handcrafted gifts perfect for Christmas.
BEM VINDO E OBRIGADO PELA VISITA!

terça-feira, 14 de outubro de 2014

Voz Off DK Music Entrevista ho Abio Salsinha

Entrevista ho cantor no musico Abio Salsinha konaba nia careira musical no atu hatene liu tan sobre musicos timoroan sira nia partisipasaun iha eventu ikus Cimeira CPLP foin dadauk iha Dili, Timor Leste, nebe publiku ladun hetan informasaun. 

Por Dalia Kiakilir (Oxford, 14 Outubro 2014)

Dalia - Abio Salisinha hahu'u carreira musical husi nebe'e, motivo saida ma'ak halo ita bo'ot hili carreira ne'e?
Abio - Hau hahu hau nia careira musical ne desde scola SD, gosta rona musica i gosta canta. Motivu hau hili musica ne tamba talento duni, i musica ne halo ita kontente i  halo ita mos sai tristesa.
Dalia - Inspirasaun ruma husi artista conhecido ruma?
Abio - Inspirasaun husi artista senior hanesan Tonny pereirra, Anito matos, Sico Maulohi i barak tan. Ho nune mak hau brani hodi foti kakak senior sira nia talenta ne. 
Dalia - Ita bo'ot nia genero musica ne'e saida? Causa social, Domin ka saida?
Abio - Hau nia musica ne halai ba social ho domin mos. Social hanesan musica "Comarca" ne, atu fo hanoin ba ita hotu atu hakribi violensia, ida tan mak musica "Keta Loko An". Musica  ida ne fo hanoin mos ba ita katak moris iha mundu ne keta loko an demais, loko an demais moris loron baluk deit. Kona ba domin atu fo hanoin ba foin sae sira katak keta  halimar ho liafuan domin nee. Dala barak ita ema ne hatene mak hadomi deit maibe atu refleta ba liafuan domin ne susar teb tebes satan ho liafuan estima ne. Tamba atu fonon  deit.
Dalia - Husi inicio carreira artistica ne'e amigo lanca ona album hira? No album sira ne'e lanca iha fatin nebe?
Abio - Hau nia album agora dadaun ne lanca ona hamutuk album 7 ona i lanca iha Timor Leste deit, maibe nia faan iha indonesia, Australia ho Timor Laran tomak. 
Dalia - Infelizmente ita nia rai timor leste laiha fonte oficial ruma nebe fo sai ba liur noticia update sobre ita nia artista timor oan sira nia arte no obra, foin dadauk iha cimeira cplp, liu husi rede social ne'e mak iha oportunidade hare liu husi ita bot nia facebook foto balun kona ba cimeira ne'e, amigo mos hetan convite hodi ba canta?
Abio - Sim hau mos iha oportunidade canta iha evento CPLP ne i hau mos hetan fiar husi SEJD ho sai chefe comisaun organizadora ba artista rai laran ho rai liur hodi canta  iha evento inportante ida ne. I orgulho bot ba parte governo liu hsi SEJD hodi fo fiar ba artista timor oan rasik mak organiza ivento ida ne. 
Dalia - Musica hira no tema saida mak apresenta?
Abio - Musica nebe mak ami si canta iha CPLP ne mak musica Tetum, Portugues ho Englesh. I hau momento ne lori musica identidae cultura Timor Leste nian hanesan musica Tebe  Likurai, Tei Sandler ho Rai Timor Loro Sae. 
Dalia - Artista timor oan hira mak hetan mos convite hodi participa iha cimeira ne'e no musica saida mak apresenta?
Abio - Artista timor oan deit, liu liu ba senior sira nomos banda musica timor oan hotu, i ami mos convida artista canta solo mai husi Indonesian Idol i nia mos timor oan ida  soke hela iha indo kleur ona. Nia mos mai canta hotu iha ivento ne. 
Dalia - Iha tan artista balun husi rai seluk ma'ak ba perform iha neba? No sira nia arte saida?, cultura?, danca? musiko?
Abio - Sim hau nia music rasik hau tau iha youtube. Bele buka iha youtube "Prison video song timor leste", ida tan mk "Didi". Se iha wp hau bele send ba ita. 
Dalia - Iha liafuan balun mak ita bo'ot hakarak hato'o ba musisi sira kona ba sira nia carreira?
Abio - Hau hanoin hau nia sugestao ba colega musisi timor oan sira hotu katak, mai ita canta ita nia musica rasik atu nune ita hatudu ba mundo katak ita nia identidade musica nebe ita  halo mak ne duni. I hau mos fo lia menon ba colega sira hotu ita tenki halakon hahalok nebe mak ladiak hanesan copy ema rai liur nia musica hodi mai ita halo fali ba ita nian  rasik, ne hahalok nebe mak ladiak ba ita hotu. Nebe ita tenki kaer metin ita nia musica numero primeiro mak irama tebe tebe ne.
Liafuan ikus ba ita nia musico Abio Salsinha mak agradeceimento ba disponibilidade ho prontidao ba entrevista badak nee. Hein katak eventu seluk mai ho nivel hanesan Cimeira CPLP nee publiku bele hetan asesu ba informasaun liu husi media. Sukses ba amigo, continua haburas no hamorin nafatin Timor nian naran iha mundo rai klaran.

Sem comentários:

Enviar um comentário