Se se mak Autor ba Manifestasaun 12 Outubru 1989 iha Tasi Tolu?
Koalia ba autor ba Manifestasaun iha 12 Outubru 2014 liuba, ida-idak reklama sira mak sai nudar autor ba manifestasaun ne’ebe jovens halo hafoin Amo Papa selebra Misa hotu iha Tasi Tolu, loron 12 fulan Outubru tinan 1989.
Iha balun dehan katak 12 Outubru 1989 nudar inisiu ka hahun ba luta Joventude Estudantes hasoru okupasaun ilegal Indonesia nian iha Timor-Leste.
TVTL (Televizaun Timor-Leste) liu husi diresaun programasaun halo porgrama hodi hanoin hikas ba tinan 25 ba kotuk Papa Joao Paulo II vizita no selebra misa iha Tasi-Tolu, Timor-Leste (12/10/1989), molok serimonia misa nia ninin klosan sira halai tama ba besik altar hodi hakilar Viva Papa, Viva Timor-Leste no loke, hatudu mos spanduk ne’ebe mak sira lori hakerek konaba ‘Direitu ba Ukun-Rasik-An ba Povu Timor-Leste”.
Sira ne’ebe mak hola parte ka halai tama hodi hakilar Viva Papa no Viva Timor-Leste mak: Ventura da Consceição (oras ne’e servisu iha Liverpol, UK), Atino Breok iha Oxford, Azito Tahu Laran (Saudoso ne’ebe mate iha rejiaun 3 iha tinan 1991, Apai no alin iha Tahu Laran, sira seluk tan.
Maibe dezisaun ba halo manifestasaun ne’e deside husi Comite Executivo ne’ebe mak hamutuk ema nain 8 no halo surumutuk iha Externato Sao José Balide, molok vizita Papa Joao Paulo II.
Orientasaun husi Comando da Luta liu husi Comitte Executivo ne’ebe iha momento ne’eba hahu ema nain 8 no implementa operasaun liu husi grupos jovens sira ne’ebe halibur iha Balide. Maibe la'os hotu-hotu iha korajen maibe balun deit mak iha korajen, naran temi ona, restu lakohi halo manifestasaun tanba buat hotu los hotu ona tanba Amo Bispo D. Martinho Lopes koalia los hotu ona nebe lalika halo demonstrasaun, ne’e sasin ne’ebe saudosu Azito husi Bidau Tahu Laran haktuir molok halai ba Ailaran.
Konaba protogonista lolos ba manifestasaun, husu media sira atu konfirma mos ba Ventura Consceiçao iha Liverpol Inglaterra konaba oinsa hahu manifestasaun no se se maka hahu?
Iha foto ne’e hatudu imajen rua (2), ”Amo Papa rei Cruz iha rai Timor nia leten”. Imajen seluk, reflesaun iha TVTL ho protogonista sira!
Historia ne’e envolve hotu-hotu nian, maibe tenki konta mos lolos!
(12.10.1989-12.12.2014)
https://www.facebook.com/groups/628300830528195/permalink/860681113956831/
Sem comentários:
Enviar um comentário