Embaixador foun ba Reinu Unidu no Norte Irlanda

Foto Media PR/FB

Embaixador foun ba Reinu Unidu no Norte Irlanda

Oxford/Kiakilir
29 Janeiru 2020

Nai Prezidente Lu Olo fo posse ba embaixador foun nain sia

Iha serimonia tomada-de-posse, 28 Janeiru 2020, Nai Prezidente Republika, Francisco Guterres Lu Olo, ofisialmente fo kna’ar ‘misaun diplomatika’ ba embaixador foun sira ba rai-liur.

Iha sala nobre Palasiu Aitarak-laran, Lu Olo ho neon-metin “depozita fiar ba kapasidade embaixador sira atu intesifika ka hametin liu-tan relasaun bilateral no kooperasaun entre estadu ho estadu.”

Nai Prezidente afirma katak, “liu husi reprezentante, iha nível aas ne’e, mak Estadu Timor-Leste hatudu vontade atu haklean relasaun ho membru komunidade internasional no nune’e, fó kontribuisaun ba pás, buat murak ida ba Umanidade.”

Iha biban ne’e fo-sai mos dadus badak konaba conhecimento no experiensia servisu sira na’in 9 nian, liliu iha materia Relações Internacionais (relações diplomaticas). Ba sira, Nai PR deseja sucesso iha servisu hodi servi estado nia interesse no hadi’ak kooperasaun ho relasaun diak no forte ho komunidade internasional.

Emaixador nain sia (9) refere mak hanesan Natália Carrascalão, Embaixadora Timor-Leste ba Singapura; Emenegildo Lopes, Embaixador Timor-Leste ba Kambodia; Juvita Gonçalves, Embaixadóra Timor-Leste ba Vatikanu; Abrão dos Santos, Embaixador Timor-Leste ba Repúblika Popular Xina; Isabel Amaral Guterres, Embaixadora Timor-Leste ba Portugal; Renata de Jesus, Embaixadora Timor-Leste ba Laos; Inês de Almeida, Embaixadora Timor-Leste ba Australia; Gil da Costa, Embaixador Timor-Leste ba Reinu Unidu no Irlanda Norte no Ilidio Ximenes, Embaixador Timor-Leste ba Japaun.

Gil da Costa assume cargo embaixador TL nian ba Reinu Unidu no Norte Irlanda

Gil da Costa, desta vez, nomeado nudar embaixador foun ba rai Reunu Unidu no Norte Irlanda nian hodi truka hikas (anterior) embaixador Joaquim Fonseca Russo nebe nia mandatu hotu ona desde simu no hala’o kna’ar husi tinan 2013.

Iha aprezentasaun ne’e Nai Lu Olo introduz hikas embaixador foun UK nia merito no requisitos ba cargo atribuído. “Señor Embaixador Gil da Costa iha esperiénsia iha área jestaun, koordenasaun no diresaun, ho ligasaun ba organizasaun internasional sira.”, sublinha prezidente ho fiar-metin ba “eleitos” sira atu promove interesse estado Timor-Leste nian iha mundo.

Hein katak, la kleur tan, representante Estado nian ne’e sei to’o Inglaterra no aprezenta kredensial ba Rainha Elizabeth II hodi nune’e bele ona hahu hala’o kna’ar iha relasaun diplomatika entre Timor-Leste ho Reinu Unidu no Norte Irlanda.

Novidade ba timoroan sira iha Inglaterra no Norte Irlanda, nebe, aguarda ho espetativa, hein “tulun” ruma da’et ho dokumentus hanesan passaportes no selut-tan. No dalaruma ho issue Brexit ne’ebe está em cima da hora, 1 de Janeiro, o Reino Unido deixa de ser membro da União Europeia, sensibiliza embaixador Sr. Gil da Costa atu fo-tempu hamaluk ho “timoroan diaspora” sira nia problemas.

PM Taur Matan Ruak fo votu sucesso no apelu

Iha Palasiu Guvernu nian (28/01/2020) embaixador empossado sira hasoru malu ho Primeiru Ministru Taur Matan Ruak hafoin simu tiha posse husi Prezidente Republika. Iha sorumutu ne’e PM hato’o nia votu sucesso ba misaun  no apela mos ba diplomatas foun sira atu inteira didiak nivel kooperasaun ho paises sira, no perspektiva ba futuru, nune’e bele kontribui ba haklean kooperasaun bilateral, no fo benefisiu ba Timor-Leste.

Hatan ba apelu PM nian, empossado sira, agredese dahuluk konfiansa husi chefe governo nian nebe fo ona fiar ba sira nain 9, no promete katak sei halo esforsu tomak atu bele estabele no reforsa kooperasaun diak ho paises sira hodi nune bele lori fila saida mak misaun nia target ba Timor-Leste.

DK/Kiakilir
http://kiakilir.blogspot.com
Fonte notisia Media PR no Media PM