LUIS ALVES MENDONÇA "DEKE"

Luis Alves Mendonça, núdar tropa Portugés, nia mak iha 17 Agostu 1975, hanesan seguransa iha Kuartel "Centro Instrucão Militár-Aileu". Iha dia 15-16 Agostu 1975, Luis Mendonça hamutuk ho tropa Timor oan seluk hala'o enkontru ida ho Membru CCF sira koalia Kona-ba oinsá atu asaltu Kuartel Militár iha Aileu. Iha loron  17 agostu 1975 Luis Alves Mendonça halo hela seguransa hanesan baibain núdar tropa ida, iha kalan tuku 10 too 12 membru CCF sira hakbesik a'an ba Centro Instrução Militár (Kuartel). Hare'e ba Membru CCF sira hakbesik a'an, Luis Alves Mendonça, loke portaun ba membru CCF sira hodi tama, ema ne'ebé tama uluk ba laran mak Alarico Fernandes, tuir mak Mauseran. Iha kalan ne'e kedas CCF sira kaptura Malae mutin (Tropaz) hamutuk 12.

LUIS ALVES MENDONÇA "DEKE" 1977 KASTIGU IHA RENAL Rameliak-Sentru Súl.

Momentu ne'eba ha'u sei tiru malu hela ho Forsa inimigu, hau fila husi batalla derpente Kompañia ida mai koalia ho ha'u dehan impresta kilat, ha'u hatete ba sira hau asaltu hela kilat metrallador ida ho Roket ida fo hela ba komandu nusa mak mai impresta fali ha'u nia kilat. Sira hatete ba ha'u dehan ne'e CCF mak haruka, hau mós nonok no fo kilat ba sira,  bainhira fo kilat sira komesa bolu hau traidor no lori ha'u ba kastigu iha Renal Rameliak. Iha ne'eba sira halo kuak Au Hodi hatama ha'u nia Ain no Liman, depois lori besi manas fai ha'u, no hakilar traidor. Bainhiira sira hakilar dehan ha'u traidor ha'u hatan kedas "kamarada ha'u husik ha'u nia oan, fen, aman no inan iha vila, ha'u la'o haleu tiru malu mak atu sai fali traidor, entaun ha'u lakohi gasta tempu atu halo funu ida ne'e maromak boot" Bainhira kastigu hotu tiha Luis Alves Mendonça kontinua lori kilat funu hasoru invazaun too hetan kapturasaun iha dezembru 1978 no komarka ba mai iha Dili. 

Luis Alves Mendonça "Deke"

Segundu Komandante "Forsa Intervensaun Lequidoe Aileu.

Copas husi Nolasco Horu Fatu Mendes Publikasaun iha loron 17 Fulan Setembro 2019.