Global musician pro Timor-Leste
Tempu rezistensia Timor oan barak kontribui luta bá URA liu husi dalan oi-oin. Iha luta Diplomatika nian esforsu lubuk ida mak halo oinsa komunidade Internasional bele apoiu luta Povu Maubere nia hodi bele atinji objetivu final. Lobbies i aprosimasaun laos deit ba politiku nain sira maibe figuras sira seluk ho profesional sira seluk mos sai tarjetu.
Iha tinan 1994 nia rohan hau hamutuk ho maun boot Domingos Naga-Soro hasoru malu ho Grupu Banda Muzikal Noriega nian " A-ha " ho nunee iha tinan 1995 nia laran kantores Internasional sira nee halo muzika dedika ba Povu Timor.
Iha meadu tinan noventa iha Dublin Kapital Irlanda ho apoiu i fasilitasaun husi Senador David Norris, Eurodeputada Patricia McKenna i lider Partidu Iskerda Demokratika Proinsias De Rossa, hau hasoru malu ho lider Banda Muzikal U-2 " Sr. BONO ". Tuir mai Sr. BONO publikamente apoiu luta povu Timor nian.
Iha tinan 1997 nia laran iha Berlin Alemanha, sorumutu istoriku entre hau, akompanha ho irmaun Jose Das Dores Lopes ho Banda Muzikal Boyzone. Tuir mai Boyzone sai voz ativa liu husi musika iha eventu internasional. Iha Australia figuras artista i kantores barak mos involve direta i indireta fo sira nia apoiu hanesan Sr. Terry Serio no sel-seluk.
Apresia tebes i agradese wain ba ema diak sira.
https://www.facebook.com/permalink.php?story_fbid=2771698983048548&id=100006254205105
Sem comentários:
Enviar um comentário